Anëtaret e NATO-s sot firmosin protokollet e anëtarësimit për Suedinë dhe Finlandën

Anëtaret e NATO-s sot firmosin protokollet e anëtarësimit të domosdoshme për ti bërë ftesë Suedisë dhe Finlandës në Aleancë, në ceremoninë e cila zhvillohet në selinë e NATO-s në Bruksel.

Ministrja suedeze e punëve të jashtme, Ann Linde dhe kolegu i saj finlandez Pekka Haavisto do të marrin pjesë në ceremoninë ku marrin pjesë edhe 30 përfaqësues të shteteve anëtare të Aleancës politiko-ushtarake.

Këto protokolle i mundësojnë Sekretarit të Përgjithshëm të NATO-s, Jens Stoltenberg, që ti bëjë ftesën zyrtare Suedisë dhe Finlandës që ti bashkohen Aleancës, por procesi i ratifikimit mund të zgjas. Anëtaret e e ardhshme duhet të kalojnë protokollet, proces i cili bëhet në parlamentet kombëtare. Vlerësohet se do të kalojnë 6-8 muaj deri sa Suedia dhe Finlanda të anëtarëohen në NATO.

Ndryshe, të tronditura nga pushtimi rus i Ukrainës, Suedia dhe Finlanda kanë aplikuar për anëtarësim në NATO më 18 Maj. Këto protokolle mund të firmoseshin edhe më herët por Turqia kundërshtoi këtë anëtarësim dhe vetëm në Samitin e NATO-s që u zhvillua javën e kaluar në Madrid ajo hoqi dorë nga kundërshtitë e anëtarësimit të shteteve nordike.