Anëtarja e Kryesisë së Bashës: Alibeaj merr vulën, pastaj bën mbledhje në hotel!
Dje nuk ishte dje pjesë e mbledhjes së thirrur Enkelejd Alibeaj pasi mbledhja u zhvillua në hotel, tha anëtarja e Kryesisë së Lulzim Bashës dhe Sekretarja për të përndjekurit politik, Jonila Godole duke e cilësuar tragjiko-komike situatën e krijuar pas vendimit të Gjykatës së Apelit.
“Nuk isha pasi ishte ditë e hënë dhe kisha mësim për të dhënë. Ishte dhe dita e parë e sezonit të ri. Bëra një pyetje se ku do zhvillohej mbledhja. Mbledhja do zhvillohej në hotel. Thashë që nuk do shkoja në një mbledhje si ilegale, kur të zhvillohet në seli. Unë nuk pata asnjë zyrë. Në një hotel mu duk adekuante dhe ironike, pasi pak ditë më parë mori vulën dhe pastaj zhvillon një takim në hotel. Situatë tragjiko-komike për mua,” tha Jonila Godole në rubrikën “Opinion” në News24 ndërsa foli për situatën politike në PD dhe dorëheqjen e Lulzim Bashës.
“PD po shkon drejt zgjedhjeve duke u marrë ende me veten. Jemi ende në fillim të saj, saqë zgjedhjet janë për 2 muaj. Ekuacioni Foltore, PD është e vështirë. Është e njëjta parti. Nga shtatori i 2021, ndodhi një çarje e madhe, e ndoshta jo aq sa e mendonim. Është një hall personal në çastin kur njëri jep dorëheqjen do të ishte një mënyrë e mirë për të parë nëse do kishim një problem.”
Ndërkohë Kryetari i Këshillit Kombëtar të PD, Edi Paloka, u shpreh se ftesa që bëri Enkelejd Alibeaj nga ky hotel ku Jonila Godole nuk shkoi, që kandidatët e Primarëve të futen në zgjedhjet e 14 majit me logon e PD-së, është pjesë e lojës së kryeministrit Edi Rama.
“Alibeaj vulën e do prej Ramës dhe votat prej Berishës. Alibeaj nuk i njihte Primaret, ftesa për bashkëpunim, vazhdimin i hipokrizisë së lojë. Do të jemi me partitë që kemi marrëveshje PL dhe PBDNJ, po ashtu po bisedohet edhe me parti të tjera.”
Ndryshe, përveç se tragjikomike vendimi i Gjykatës së Apelit do ngelet në analet e gjyqësorit ku pala së cilës i dha të drejtë gjykata, Lulzim Basha, kishte dhe ka frikë edhe të gëzohet. A mund të jetë arsye hileja që bëri Edi Rama duke mos i dhënë vendim të formës së prerë kthimin në pikën zero të vendimit që njihte Kuvendin e 11 Dhjetori, mbetet për tu parë!
