Anti-informaliteti/ Bilanci, Ministrja Denaj: Javën e ardhshme, emrat e kompanive që kanë abuzuar!
Ministrja e Financave dhe Ekonomisë, Anila Denaj dhe Drejtori i Përgjithshëm i Doganave, Arlind Gjokuta, kanë bërë sot publike të dhënat e aksionit kundër informalitetit ndaj produkteve të akcizës ndërsa paralajmëruan se javën e ardhshme do të bëhen publike shifrat dhe emrat e të gjitha kompanive që kanë abuzuar duke përfshirë edhe inspektorët që kanë toleruar këto shkelje.
“Prioritet i muajit gusht kanë qenë produktet e akcizës. Administrata doganore ka analizuar me detaj të dhënat e diponueshme dhe ka përgatitur një listë paraprake të subjekteve që do të inspektohen. Kontrollet konsistojnë në verifikime të detajuara fizike dhe dokumentare. Verifikimin me përputhshmërinë e deklarimit me të dhënat e sistemit informalitk. Si rregull kontrollet mbulojnë periudha e pakontrolluara më parë nga strukturat doganore por në çdo rast është marrë minimalisht periudha 1 janar 2018 deri në momentin aktual. Në fazën e dytë të planit operacional brenda vitit korrent verifikimi do të kryhet për një periudhë 3 vjeçare ashtu siç parashikohet nga legjislacioni doganor. Në muajin korrik ecuria e importit dhe konsumit të produkteve të akcizës si dhe niveli i të ardhrurave të arkëtuara nga administrata doganore ka pësuar rritje të konsiderueshme.
Më konkretisht të ardhurat nga akciza për muajin korrik ishin 4.86 miliardë lekë 107 për qind ndaj planit realizmi. 17.8 për qind në raport me korrik 2018. E njëjta gjë vërehet edhe përgjysmën e parë të gushtin. Fokus i veçantë i është kushtuar sektorit të hidrokarbureve ku përveç kontrolleve në pikat e karburantit po ushtohet kontoll fizik që nga nisja e zinxhirit të tregtimit me shumicë nga momenti i importit apo prodhimit. Ka përfudnuar kontrolli i magazinave të lira në Poro Romano dhe po vijojmë me kontrollin e Petroliferës në Vlorë dhe në Uzinën apo Rafinerinë e prodhimit në Ballsh.
Me pas puna vijon me kontrollin e karburantit të përdorur nga anijet e peshkimi dhe verifikimin e faturave dhe transkaioneve në gjithë zinxhirin për të bërë një evidencë të qartë të situatës në sektorin e hidrokarbureve. Paralelisht me këtë në muajt në vijim fokus të veçantë do të kenë produktet e akcizës veçanërisht duhani dhe pijet alkolike. Në shtator do të nisë kontrolli dhe rakordimi i të dhënave për importin dhe prodhimin e lënëve të para të përdorura për prodhimin e pijeve alkolike. Në bashkëpunim me struktura të tjera policinë e shtetit në mënyrë të veçantë do të ketë kontroll tek duhani dhe birra” tha Denaj.
Ndërsa Drejtori i Përgjithshëm i Doganave, Arlind Gjokutaj, tha se të paktën 71 raste janë konstatuar me shkelje nga kontrollet dhe në raste janë referuar në prokurori pasi ka pasur konsumim të veprës penale.
Që nga zbatimi në fillim të muajit korrik do të jap impaktin. Gjatë periudhës 1 korrik deri më 16 gusht 2019 strukturat e D PD dhe degët doganore janë angazhuar në zbatim të planit operacional. Në total nga strukturat e analizës dhe degëve doganore janë kyer 960 kontollje nga ku kanë rezultuar me shkelje 71 raste. Kontrollet janë bazuar në një analizë të të dhënave paraprake që disponon autoriteti doganor por bazuar dhe në sinjalizime apo denoncime të qytetarëve që kanë qenë të konsiderueshme.
Në çdo rast në varësi të shkeljes së evidentuar janë aplikuar sanksionet përkatëse si aplikimi i detyrimit të munguar penalizteti apo sekuestrimi i produkteve. Janë referuar në prokurori 9 raste. Në total për rastet kur nuk është paguar detyrimi ka qenë 50 milionë lekë kurse penalitetet janë afërsisht 98 milionë lekë. totali i detyrimeve që duhet të paguajnë subjektet e evidentuar me shkelje është 140 milionë lekë apo rreth 1.2 milionë euro. Për karburamntet po bëhet analizë e plotë dhe brenda javës do të kemi gjithë të dhënat per importin dhe prodhimin dhe do tju raportojmë gjetjet.
Muajin korrik performanca ka qenë tepër pozitive dhe i njëjti trend ka vijuar dhe në gusht. Në muajin korrik u arkëtuan 15.87 miliardë lekë të ardhura me një realizim prej 101.3 për qind ndaj planit mujor. Në raport me korrik 2018 rritja ka qenë 7.7 për qind. Të ardhurat nga akciza ishin 4.8 miliardë lekë me një realizim 107 për qind të planit. TVSH e arkëtuar rezultoi 10.2 miliardë lekë, 100 për qind të planit mujor dhe rritje 6.4 për ind në raport me korrik 2018” tha Gjokutaj.
Me këtë rast Ministrja e Financave dhe Ekonomisë, Anila Denaj, bëri edhe një paralajmërim:
“Takimi ynë i radhës do jetë javën e ardhshme. Drejtori e përmendi që ne jemi duke përfunduar dhe këtë javë kontrollin në të gjitha pikat doganore, jemi duke përfunduar gjithë procesverbalet. Do të flasim javës tjetër me shifra dhe me emra kompanish dhe me numër inspektorësh të cilët do të shkojnë për masa disiplinore pasi mendojmë se ky proces nuk mund të shkojë vetëm me gjobitje të bizneseve për të cilat ka parregullsi por sigurisht edhe për ata inspektorë që në vite kanë lejuar që këto parregullsi të mos evidentohen dhe të mos krijojnë këtë ngërç operacional, i cili sot është fokusuar totalisht për të gjithë ne. Nga ana tjetër është një vëmendje që na tregon se ka shumë gjëra për të përmirësuar brenda administratës sonë dhe jemi duke punuar paralelisht edhe për të përmirësuar administratën doganore në veçanti.”
