Firmoset koalicioni parazgjedhor AAK-PSD

Kryetari i Aleancës për Ardhmërinë e Kosovës, Ramush Haradinaj dhe ai i Partisë Socialdemokrate, Shpend Ahmeti edhe zyrtarisht kanë firmosur marrëveshjen për koalicion parazgjedhor.

Koalicionin me PSD-në e Shpend Ahmetit Ramush Haradinaj e ka quajtur boshti i fitores, shpresë për vendin .

“Sot kemi përmbyllur një punë jo të lehtë. Kjo punë ka për bazë qëllimet programore të dy partive dhe kemi arritur të bashkohemi. E falënderoj PSD-nër për besimin dhe strukturat e Aleancës për përkrahjen. Ishte PSD-ajo ajo që na ndihmoi për të mos dështuar votimi u Ushtrisë së Kosovës pas largimit të Listës Serbe. E falënderoj tash për atëherë kryetarin Ahmeti. Nuk do të ketë PAN 2 ose PAN 3. Ne po krijojmë boshtin e fitores që do jetë shpresë për vendin,” tha Ramush Haradinaj pas firmosjes së marrëveshjes.