Arena e Lirisë, “Bashkë Fitojmë” sot nis rrugëtimin drejt fitores së 14 Majit
Koalicioni “Bashkë Fitojmë” i drejtuar nga Kryetari i Partisë Demokratike, Sali Berisha, sot në orën 12:00 në në Arenën Air Albania në Tiranë nis rrugëtimin drejt fitores në zgjedhjet lokale të 14 Majit.
Duke ftuar shqiptarët sot në orën 12:00 në Arenën e Lirisë, përmes një videomesazhi lideri i opozitës e konsideron manifestimin e hapjes së fushatës si prelud të fitores së ardhshme.
“I ftoj të gjithë shqiptarët që të kurorëzojmë me një manifestim madhështor, si prelud i fitores tonë të ardhshme, sot në orën 12:00, në stadiumin ‘Air Albania’,” shprehet Kryetari i Partisë Demokratike në mesazhin e tij përmes rrjetit social Facebook shoqëruar dhe me një video:
Ndërkohë Partia Demokratike ne mesazhin e saj për të gjithë ata që nuk janë marrë peng nga pushteti shprehet:
“Rikthehemi në ‘Arenë’, aty ku nisi Rithemelimi! Më të fortë për mbrojtjen e pluralizmit e demokracisë! Më të hapur me kandidatët e dalë nga vota juaj! Më të bashkuar të gjithë ata që nuk janë marrë peng nga pushteti! Ndryshimi në duart e tua! Bashkë fitojmë”.
Ndryshe, sot në Arenën Air Albania, kolaicioni “Bashkë Fitojmë” do prezanton dhe ekipin fitues të 14 Majit me 61 kandidatët për kryetar të bashkive të dalë nga procesi më demokratik ndërpartiak, Primaret!
Partia Demokratike, Partia e Lirisë, Partia Demokristiane dhe Partia Bashkimi për të Drejtat e Njeriut kanë vendosur që në zgjedhjet lokale të 14 Majit të futen bashkë në një kaolicion të fitores të cilin e pagëzuan, “Bashkë Fitojmë”!
