Arkivë online për viktimat e krimeve të komunizmit…

Konferenca ndërkombëtare “Zbardhja e krimeve të komunizmit në epokën dixhitale” publikoi sot në Tiranë një platformë online për viktimat e komunizmit, kujto.al.

Platforma do të ketë një informacion zyrtar për vuatjet e mbi 50 mijë viktimave të komunizmit.
Fondacioni Kujto ka ngritur një staf i cili pret nga të gjithë të interesuarit që të plotësojnë me informacionin vuajtjen e të afërmve të tyre.

Ndërkohë, fondacioni Kujto do të publikojnë online dokumente dhe dëshmi që zbërthejnë krimet e komunizmit si dhe emrat e përgjegjësve të këtyre krimeve.

“Kujto.al është e para iniciativë e këtij lloji në Shqipëri. Rreth 50 mijë viktima të komunizmit kanë një profil të krijuar nga informacioni zyrtar. Por falë teknologjisë, historia e çdo viktime dhe familje që ka vuajtur në diktaturë do të plotësohet çdo ditë.

Tashmë për të kaluarën dhe vuajtjen e shqiptarëve në diktaturë, nuk do të angazhohen vetëm studiesit apo institucione, por i gjithë publiku i cili ka platformën për të dërguar çdo rrëfim, dokument, fotografi, fakt apo ngjarje që ajo të tregohet e mësohet nga të gjithë”, tha studiesi Erald Kapri në hapjen e konferencës ndërkombëtare.

Kjo iniciativë është ideuar dhe mbështetur nga sipërmarrësi i njohur, deputeti Agron Shehaj. Një grup të rinjsh, studiesisht, gazetarësh dhe kineastësh janë angazhuar që të përpunojnë informacion mbi të kaluarën. Sot u shfaq dokumentari “Pasqyrë e thyer; Spaçi”, prodhimi i parë i fondacionit Kujto i cili do të xhirojë dhjetëra dokumentarë të tjera tematikë për krimet e komunizmit.

Në konferencën ndërkombëtëre janë pjesëmarrës edhe deputeti i njohur çek Pavel Zacek, ish drejtori i institutit të Studimeve të Regjimeve Totalitare dhe Arkivave në Çeki si dhe adakemikja e njohur amerikane Lori Amy.