Manjani ka një paralajmërim të fortë: Po rikthehemi te piramidat financiare, fundi i tmerrshëm…

Ish-ministri i Drejtësisë, Ylli Manjani, ka dhënë sot alarmin se ekonomia dhe financat shqiptare po rikthehen tek piramidat famëkeqe që shkaktuan vitin 1997.

”Ekonomia informale me para droge është njësoj si ekonomia e Piramidave financiare. Të njëjtën efekt ka! Njerëzit kujtojnë se kanë para, por në fakt kanë asgjë! Kanë borxhe për të larë”, shkruan Manjani.

Sipas tij, njerëzit po vriten për të larë hesapet kurse qeveria po fërkon duart, pasi kështu e shtyn edhe ca kohë.

”Deri sa të falimentojë edhe ndërtimi i kullave dhe të futet në kolaps tregu i pasurive, do vijojë kjo agoni. Ndërkohë njerëzit do vriten e do sakatosen njëri me tjetrin, për të larë hesapet!!! Pamja bëhet gjithnjë e më e zymtë! Kjo pamje nxit IKJEN! Qeveria fërkon duart se shtyn ca kohë kështu. Por fundi është i tmerrshëm”, thekson Manjani.