Arrestohen 14 persona, mes tyre 4 shqiptarë/ Grupi merrej me shpërndarje kokaine dhe heroine

Policia italiane arrestoi 14 persona, mes të cilëve edhe 4 shqiptarë, sit ë dyshuar në përfshirjen e trafikut të drograve të forta.

Mediat italiane raportojnë se të arrestuarit shisnin heroinë dhe kokainë, ndërsa dyshohet që gjatë 1 viti janë gjeneruar rreth 1.5 milionë euro.

Policia hetoi për më shumë se 15 muaj në lidhje me veprimtarinë e paligjshme të grupit criminal, në përbërje të të cilit ishte edhe 1 italian dhe 9 nga Afrika.

Gjatë kohës së hetimit, policia ka sekuestruar 23 kg lëndë narkotike dhe 615 mijë euro.

Heroina blihej nga shqiptarët dhe shpërndahej në veçanti nga tunizianët; kokaina blihej po nga shqiptarët së bashku me italianin.

Ky i fundit ka një aktivitet tregtar në Parma, ku efektivët sekuestruan rreth 50 mijë euro, që dyshohet se janë përfituar nga trafiku i drogës.