Arrestohen dy shqiptarë në Britani, policia zbuloi një fermë kanabisi

Dy shqiptarë janë arrestuar në Britaninë e Madhe, pasi policia zbuloi një fermë kanabisi në Littlehampton.

Mediat raportojnë se operacioni u zhvillua të dielën e shkuar.

Plantacioni u zbulua nga policia në zonën e “Toddington Lane” në një shtëpi të braktisur, pas raportimeve të marra se nga aty vinte një ”erë e keqe”.

Bimët vlerësoheshin se pas shitjes së prodhimit në tregun e rrugës, do të gjeneronin rreth 480.000 paund.

Policia bëri me dije se të dy të arrestuarit janë shtetas shqiptarë që kishin hyrë ilegalisht në Mbretërinë e Bashkuar.