Arrestohet ish-punonjësia e Bankës së Shqipërisë, mashtroi 4 qytetarë 570 mijë euro!

Operacioni i koduar “Mashtrimi i fundit” u finalizua nga Policia e Tiranës me arrestimin e një 30-vjeçare pasi u kishte marrë katër shtetasve me anë të mashtrimit, 570 mijë euro.

Mësohet se fjala është për ish-punonjësen e Bankës së Shqipërisë, 30-vjeçaren Milena Deraj.

30-vjeçarja ka mashtruar 3 shtetas, babain dhe dy djemtë, duke iu marrë 340.000 euro, me premtimin se do t’i ndihmonte në një proces gjyqësor që kishin në Shkodër, në lidhje me një ngjarje kriminale të ndodhur në Velipojë, në vitin 2021.

Gjithashtu, mësohet se 30-vjeçarja Milena Deraj ka mashtruar edhe një shtetase tjetër, duke i marrë 230.000 euro, me premtimin për t’i investuar në bono thesari.