Njeriu më i pasur në botë, për një ditë humbi mbi 10 miliardë dollarë

Njeriu më i pasur në botë, pronar i prodhuesit fancez të mallit të luksit LVMH, Bernard Arnault, humbi brenda një dite 10.39 miliardë euro, raportojnë mediat, duke saktësuar se këtë shumë të parave ai e kishte humbur dje pas rënies së madhe të çmimit të aksioneve.

Bursat në SHBA vazhdojnë rënien, e sektori i mallit të luksit në veçanti po shënon humbje. Aksionet e kompanisë Louis Vuitton kanë pësuar rënie me 5.0 për qind, ndërsa kompanitë Kering, pronar i Guccit, për 2.97 për qind. Ndërkohë tregjet janë të shqetësuara për shkak të kërkesës së pasigurt për mallin e luksit në SHBA.

Ndryshe, Bernard Arnault vazhdon të jetë njeriu më i pasur në botë, dhe pasuria e tij vlerësohet 178.12 miliardë euro.

Diferenca në mes tij dhe njeriut të dytë më të pasur në botë, shefit të kompanive Tesla dhe Twitter, Elon Musk, është ulur në 11.13 milijardë euro.