Arrestohet shqiptari me 25 mijë euro dhe armë, ja akuzat që rëndojnë

Policia italiane arrestoi një shqiptar me revole e 25 mijë euro.  Shqiptari tentoi të largohej me vrap nga automjeti ku ndodhej me një polak.

Ky i fundit u kap me 14.5 kile kokainë të fshehur në makinë, poshtë sediljes së pasme.

Ndërsa karabinierët po merreshin me polakun, vunë re që një tjetër person doli dhe u largua me vrap drejt një makine tjetër.

Kontrolli i makinës së dytë zbuloi 25 mijë euro dhe një pistoletë automatike të kalibrit 7.65. I arratisuri u identifikua si një shtetas shqiptar i moshës 38 vjeç.

Ai u kap i fshehur në një hotel, në pritje të qetësimit të situatës, por pa ia arritur.

Mbi të rëndojnë tani akuza të shumëfishta, për tregtim droge, armëmbajtje pa leje, rezistencë ndaj autoriteteve publike.

Në banesë shqiptarit iu gjetën edhe katër mijë euro.