Australi, më fund zjarri nën kontroll

Zjarri i madh që shpërtheu në Australi dhe për më shumë se 10 javë po shkatërronte gjithçka që i dilte para, tashmë është nën kontroll, deklaruan sot zjarrfikësit në New South Wales.

Zjarri Gospers Mountain filloj me vetëtimë nga 26 Tetori 2019 ku prfshiu më shumë se 500 mijë hektarë në veriperëndim të Sydneit.

Zjarri u zgjerua në disa pjesë në parkun kombëtar Blue Mountains në perëndim të Sydneit.

Moti i mirë i dha pushim zjarrfikësve

Fikja e zjarrit është stërzgjatur por zjarri nuk fikej dot për shkak të kushteve atmosferike ka bërë të ditur Shërbimi zjarrfikës duke paralajmëruar se ende kanë mbetur edhe disa muaj të sezonit të zjarreve dhe sipërfaqe që mund të shkrumbohen.

Po këtë ditë në shtetin Victoria, autoritete shpallën vdekjen e një zjarrfikësi, duke rritur kështu numrin e jetëve të humbura gjatë këtij zjarri të frikshëm në 27.

Ulja e temperaturave, shiu dhe era e lehtë i kanë dhënë mundësi zjarrfikësve që të pushojnë paksa në të dy shtetet, Victoria dhe New South Wales.

Duke lënë mbrapa  një tokë të shkrumbuar sa sipërfaqja e Koresë së Jugut, zjarri i frikshëm shkatërroi 10.3 milionë hektarë në gjithë Australinë dhe la mijëra njerëz pa kulm mbi kokë. Ekologët nga Unviersiteti në Sydney vlerësojnë se zjarri ka lënë pa jetë deri në një miliard kafshë.