Autostrada Tiranë-Elbasan, shkrumbohet një autobus, shkak një shkëndijë elektrike

Sot në Autostradën Tiranë-Elbasan është shkrumbuar një autobus ku për pasojë janë shkaktuar vetëm dëme materiale.

“Rreth orës 13:30, në Autostradën Tiranë-Elbasan, në fshatin Dopaj, dyshohet se për shkak të një shkëndije elektrike, ka rënë zjarr në pjesën e pasme të një autobusi në lëvizje, me drejtues shtetasin F. K.” bënë të ditur Policia e Shtetit përmes një njoftimi.

Shërbimet e Policisë dhe ata të zjarrfikëses ndodhen në vendngjarje dhe po punojnë për shuarjen e flakëve.

Ndërkaq, grupi hetimor vijon punën për dokumentimin me prova ligjore të shkakut të rënies së zjarrit.