Bariu nuk u vetëvra, Policia: E vrau 54 vjeçari nga Tirana…
Policia ka identifikuar autorin e vrasjes së 69 vjeçarit Tahir Bajraktari në bjeshkën e Dobërdolit të Tropojës.
“Në lidhje me ngjarjen e ndodhur mbasditen e datës 18.09.2018, ku u gjet i vrarë me armë zjarri shtetasi T.B, 69 vjeç, Drejtoria Vendore e Policisë Kukës, ka identifikuar autorin e dyshuar, shtetasin N.L, 54 vjeç banues në Tiranë,” thekson policia.
Shtetasi N.L dyshohet se më datë 18.09.2018, për motive të dobëta ka vrarë me armë zjarri në banesën e tij, në bjeshkën e Dobërdolit, të fshatit Tropojë, shtetasin Tahir Bajraktari , banues në Tiranë, ndërkohë vijon puna për kapjen e autorit.
Njoftimi i policisë:
Policia identifikon autorin e dyshuar të vrasjes së 69 vjeçarit në bjeshkën e Doberdolit Tropojë.
Në lidhje me ngjarjen e ndodhur mbasditen e datës 18.09.2018, ku u gjet i vrarë me armë zjarri shtetasi T.B, 69 vjeç, Drejtoria Vendore e Policisë Kukës, ngriti një grup të posaçëm hetimor.
Falë veprimeve të shpejta dhe profesionale si dhe hetimeve intensive nga grupi hetimor, u bë e mundur identifikimi i autorit të dyshuar shtetasi N.L, 54 vjeç banues në Tiranë.
Shtetasi N.L dyshohet se më datë 18.09.2018, për motive të dobëta dyshohet se ka vrarë me armë zjarri në banesën e tij në bjeshkën e Doberdolit, Tropojë Fshat, shtetasin T.B., 69 vjeç, banues në Tiranë.
Vijon puna për kapjen e autorit të dyshuar të kësaj ngjarje
Materialet i kaluan Prokurorisë pranë Gjykatës së Shkallës së Parë Tropojë, për veprat penale të parashikuara nga nenet 76 e 278 të Kodit Penal
