Bashar al Assad dënohet me vdekje

Gjykata siriana e dënoi sot ish-presidentin Bashar al Assad me vdekje në mungesë, pasi e shpalli fajtor për krime lufte dhe krime kundër njerëzimit të kryera gjatë luftës civile.

Kushëriri i Asadit nga nëna, Atef Najib, u dënua gjithashtu me vdekje në të njëjtin gjyq. Gjykata e konsideron atë përgjegjës për shtypjen në provincën jugore të Daraas që i parapriu kryengritjes dhe luftës civile që pasoi.

Assadi në Rusi, kushëriri i tij në paraburgim

Najib dëgjoi vendimin në sallën e gjyqit, pas hekurave dhe i veshur me rroba burgu. Ai është një ish-gjeneral brigade në ushtrinë siriane dhe në vitin 2011 drejtoi degën e sigurisë politike në provincën Daraa.

Assadi dhe vëllai i tij Maher ikën në Rusi pasi rebelët hynë në Damask në dhjetor 2024.

Atef Najib u arrestua më vonë dhe u bë një nga zyrtarët më të lartë të ish-regjimit që u gjykua nga autoritetet e reja.

Ndryshe, vendimi kundër Assadit është vendimi i parë i tillë që kur autoritetet kalimtare të Sirisë filluan të gjykojnë ish-zyrtarët e regjimit këtë vit, si ata në paraburgim ashtu edhe ata që gjykohen në mungesë.