Bashkë kundër regjimit, Berisha: Me 11 shkurt Shqipëria marshon drejt Tiranës!

I vetmi qëllim i Kryeministrit Edi Rama është asgjësimi i pluralizmit dhe demokracisë, tha sot Kryetari i Partisë Demokratike, Sali Berisha, ndërsa i bën thirrje shqiptarëve të bëhen bashkë kundër regjimit për të mbrojtur të ardhmen e vendit.

“Me 11 shkurt në ora 12:00 Shqipëria marshon drejt Tiranës! Tirana derdhet në rrugët dhe sheshet e saj!” shprehet Sali Berisha në thirrjen e tij drejtuar shqiptarëve për të marrë pjesë në protestën kombëtare ndërsa e shoqëron me një video duke përfunduar:

“Dita e ndryshimit ka ardhur! Të gjithë më 11 Shkurt në ora 12:00!”