Bashkimi i PD, koha për tu zgjuar demokratët!
Përpjekjet për bashkimin e Partisë Demokratike, ndonëse të papëlqyera nga shumë demokratë edhe kur u trumbetuan si finalizim i madh bashkimi me rikthimin e grupit të kryesuar nga Gazment Bardhi, ngjalli frikë dhe alarmoi padronët e Sigurimit të Shtetit që me pult aktivizuan gjithë lukuninë komuniste provinciale nën hyqmin e Kunatit, që të shfaqen nëpër ekranet shqiptare duke trumbetuar nevojën e shpëtimit të demokracisë shqiptare nga Saliu!
Ndoshta kjo turmë delirante që veshi dhe gëzofin e profesorit ose analistit në Tiranë nuk do të dilte zbuluar se po i shërbente Edi Ramës dhe Partisë Socialiste, sikur të artikulonte ashtu siç e kishte zakon nga provincat përmes telit të Bashkim Hoxhës, duke i bërë me dije shqiptarëve se është koha për t’u zgjuar, por kur doli në ekranet shqiptare duke mbrojtur tezën e Sigurimit të Shtetit se “të gjitha fajet i ka Saliu”, dhe se “me largimin e Saliut” këtu do instalohet parajsa demokratike, atëherë gjithçka kutërboi komunizëm.
Panorama bëhet edhe më e pështirë kur kjo ushtri analistësh filloi ti referohet moralit në politikë, dhe në krye të moralit demokrat vendosi njeriun më të pamoralshëm që ka shkelur në Partinë Demokratike, Lulzim Edvin Bashën!
Gjithsesi, sot, bashkimi i Partisë Demokratike mund të ngjallë shpresë tek shumë demokratë që mbajnë sytë nga Rruga e Shpresës dhe i gëzohen faktit se grupi i deputetëve në krye me Gazment Bardhin u kthyen në bazën e tyre, ky kthim mund të shkaktoj indinjatë tek ata që për sa kohë Gazi ishte në krahun e Lulzim Bashës cilësohej juristi më i mirë në Shqipëri dhe sot një fundërrinë e Saliut, ky lloj bashkimi mund të ngjallë frikë edhe tek Edi Rama për faktin se mund të ndezë deri sa të frymon Saliu; Por, që ky bashkim të ketë kuptim dhe sukses, nuk mjafton një parakalim në bazë të atyre që për lider i bëri lista e Kunatit për deputetë, e me ca korrigjime edhe të Saliut, sepse meritorkracia nuk është në horizont, ka munguar dhe për fat të keq vazhdon të mungoj në PD!
Sot, bashkimi i PD, që të të ketë kuptim dhe sukses ka nevojë për zgjimin e demokratëve dhe jo për kthimin e demokratëve si Gaz Bardhi, Agron Gjekmarkaj e të ngjashëm, ose s’ka nevojë fare për ata si Lulzim Basha me ekipin e bedelëve të tij!
Historia e PD na mëson se preçistët, pashkistët, rulistët, meksistët, pollistët, ikën nga Partia Demokratike duke akuzuar Saliun dhe u kthyen si anëtar Kryesie, Këshilli Kombëtar, ministra dhe zv/ministra, por jo duke bashkuar PD-në!
Ndërkohë që Partinë Demokratike e bashkuan vetëm demokratët, i gjithë ky llum që u rebelua kundër Saliut dhe ishte vetëm Saliu që i riktheu në PD, i shërbeu dhe po i shërben Sigurimit të Shtetit, duke avancuar tashmë në stad të ri me lulzimsat, që krijuan një shtresë të re opozitare që rezulton të jetë shumicë, demokratët pa parti!
Demokratët pa parti
Padyshim, në kët situatë, kur moralin e shesin ata që shkelën në Partinë Demokratike vetëm për pushtet, i bënë të pa shpresë vetëm ata demokratë që në emër të mbijetesës së partisë në kushte të terrorit komunist toleruan dhe këto rikthime të “moralistëve demokratë” ndër vite, por, që nga 8 Janari ata mbetën pa parti.
Asnjëri prej tyre nuk iu përgjigj ftesës së liderit të shkoj në Partinë Demokratike që Salianji me shkop bejzbolli, Gazi me qenin e tij në kërkim, një grua shtatzënë që thithë gaz lotsjellës ose Luli me gjelin e tymosur nga marijuana e Edi Ramës, t’ju tregoj se ku e kanë vendin në Partinë Demokratike, por, t’a pastrojnë selinë e partisë nga ujërat e zeza që futi Sigurimi i Shtetit!
Më 9 Janar, asqerët dhe vetë Sigurimi mund të kenë krijuar idenë se kanë përfunduar misionin me shkatërrimin e kësaj partie që po mbahej në këmbë vetëm nga të përndjekurit politik dhe pronarët e plaçkitur nga komunizmi, arrestimi i Sali Berishës mund të ishte dhe ideja e dyllosjes së kësaj ideja, por, minimi i gjithë këtij projekti të Sigurimit të Shtetit do të bëhet pikërisht nga produkti i këtij krimi komunist, demokratët pa parti; Pavarësisht se kë quajnë sot BASHKIM ata që janë pjesë e projektit të Rithemelimit që janë të bindur se gjithçka do të filloj nga Tempulli i Ligjeve, ose, ata të përbashkuar rreth Kunatit, që sot vazhdojnë të jenë të bindur se kur paraja e çon ujin përpjetë, çoj ndërkombëtarët e deleguar në Shqipëri, pse nuk do ta çoj edhe demokracinë shqiptare!
Demokratët pa parti, po, aktualisht janë të tronditur dhe të zhgënjyer se disa nga trashëgimtarët e të përndjekurve dhe pronarëve të plaçkitur nga komunizmi po i bashkohen ushtrisë patronazhiste të Edi Ramës dhe dronëve të Lali Erit, por, vetëm një projekt bindës që do ti kthej ata në partinë e zemrës do ti jep kuptim Bashkimit, të cilin sot e konsiderojnë të pamundur ata që me 8 Janar mbështetën drurin islamiko-politik për Saliun, në selinë e Partisë Demokratike të blinduar!
Sot, një gjë e tillë është më shumë se emergjente, sepse ndërsa demokratët vazhduan të dëgjojnë nëpër ekrane që menaxhon Edi Rama llafe të “kohës për t’u zgjuar” meqë ky lloj teli është mbyllur, rasti me Princën Lekën tregoi se kush është Sigurimi i Shtetit dhe jo analistët që flasin, dhe pse kjo është vërtetë koha për t’u zgjuar demokratët!
Saliu mund të vdes siç uron Sigurimi i Shtetit, Partia Socialiste, Edi Rama, dhe bedelët e tij të Kunatit, ashtu siç ndodhi me Mbretin Ahmet Zogu dhe të birin e tij Leka i I-rë që sot nuk janë në jetë, por, kjo bandë kriminale nuk ndalon! Alarmuan shqiptarët se po vjen e bija Saliut, Argita, në krye të PD-së dhe e duan se s’bënë edhe të birin e tij Xenin të arrestuar, ashtu siç po veprojnë me nipin e Mbretit Zog duke nxjerr në pazar edhe dëshmitë e kuruara të dhunimit të tij; Dhe, ashtu siç do të veprojnë me pasardhësit e Argitës, Xenit dhe Princ Lekës kur nuk do të jenë në jetë, nëse kjo bandë kriminale komuniste e Edi Ramës nuk ndalohet…
