Bayern i tregoi derën, ja reagimi i Arturo Vidal…

Shefi ekzekutiv i Bayern Munchen, Karl-Heinz Rummenigge, ka zbuluar se klubi është i hapur për largimin e mesfushorit Arturo Vidal gjatë verës, duke e nxitur kilianin të reagojë në rrjetet sociale.

“Ai duhet të vendosë vetë për të ardhmen”, tha Rummenigge në Filadelfia, ku Bayern është duke marrë pjesë në International Champions Cup.

Komentet e Rummenigges ishin mesazh i qartë për t’i treguar derën mesfushorit me përvojë.

“Ai e ka vetëm edhe një vit në kontratë, dhe nëse dëshiron kontratë afatgjatë, atëherë duhet ta kërkojë diku tjetër”, ka shtuar ai.

Vidal nuk ka humbur kohë në reagimin e tij ndaj këtyre komenteve.

“Cilësitë nuk vyshken kurrë. Duke u forcuar çdo ditë dhe i etur për të vazhduar me fitimin e gjërave të rëndësishme”, shkroi Vidal.