BE kërcënon Malin e Zi me ndërprerje të negociatave

Bashkimi Europian ka kërcënuar Malin e Zi se do të shqyrton ndërprerjen e negociatave nëse ky vend nuk vendos institucione funksionale dhe nuk del nga kriza që është krijuar rreth Gjykatës Kushtetuese.

Ky kërcënim erdhi sot nga ministrja e Jashtme e Sllovenisë, Tanja Fajon, dhe ai austriak për Çështje Europiane dhe Ndërkombëtare, Alexander Schallenberg, pas takimeve që zhvilluan sot në Podgoricë me liderët institucional të Malit Zi.

“Kjo vizitë vjen me një paralajmërim të qartë, por dhe inkurajim që sjellim në emër të kolegëve tanë. Dëshirojmë që ky shtet të tejkaloj krizën dhe stanjacionin politik. Paralajmërimi është, se nëse stanjacioni vazhdon, Mali i Zi rrezikon të lëshoj hapin e radhës në rrugën drejt BE, dhe të përfundoj e larguar dhe jo në këtë rrugë,” tha Schallenberg në fund të takimeve duke shtuar se Mali i Zi ishte shembull në rajon dhe sot shohim polarizim në rritje dhe stanjacion në çështjet kryesore të reformave.

Zhvillimet e fundit politike në Mal të Zi kanë shkaktuar krizë të thellë politike të institucioneve duke kontribuar në ngadalësimin e procesit të negociatave, u shprehën Fajon dhe Schallenberg, pas takimit me Presidentin Milo Gjukanoviç, kryeministrin Dritan Abazoviç dhe kryetaren e Parlamentit, Danijela Gjuroviç, duke u shpehur qartë që duhet të zgjedhin urgjentisht gjyqtarët e Gjykatës Kushtetuese ndërsa Bashkimi Evropian do ta shqyrtoj seriozisht nëse do të bashkëpunoj me Qeverinë e cila formohet në bazë të Ligjit të ri për Presidentin, që, sipas BE, është i dyshimtë.