Laura Fazliu e argjendtë në “Jerusalem 2022”
Xhudistja e Kosovës, Laura Fazliu, është fituese e medaljes së argjendtë në kategorinë deri në 63 kilogramë, në mastersin e xhudos “Jerusalem 2022” që po mbahet në Izrael.
Laura Fazliu u mund në finale nga japonezja Miku Takaichi, në një përballje jashtëzakonisht interesante.
Ndryshe, kjo është medalja e dytë për Kosovën brenda dy ditëve në “Jerusalem 2022”, pas medaljes së artë që dje arriti ta marrë Distria Krasniqi në kategorinë deri në 52 kg, ndërsa nesër garon xhudistja Loriana Kuka në kategorinë deri në 78 .
