BE miraton veprime ligjore kundër Hungarisë

Ligjbërësit e Bashkimit Evropian votuan për nisjen e veprimeve ligjore kundër Hungarisë, nën akuzat se Qeveria e kryeministrit Viktor Orban po shkel vlerat themelore të bllokut.

Komiteti Evropian i Lirive Civile votoi të hënën për një raport që rekomandon nisjen e procedurave nga “Artikulli 7”, për shkak të shkeljeve të pavarësisë së gjyqësorit, lirisë së mediave dhe trajtimit të ashpër të migrantëve në Hungari.

Për të hyrë në fuqi, vendimi duhet të miratohet nga Parlamenti Evropian në seancë plenare.

Procedurat mund të bëjnë që Hungaria të humbasë të drejtat e votimit në BE.

Komisioni Evropian po ashtu tha të hënën se po shqyrton ligjin e miratuar në Hungari, javën e shkuar, i cili parasheh dënime me burgim për njerëzit që i ndihmojnë azilkërkuesit.