“Beteja për KZAZ”/ Shqipëria digjet, “Millosheviç Shqiptar” kërcënon me burg!

Mbrëmë zjarri dhe flakët në disa KZAZ të Shkodrës edhe mund të kenë qenë të papritura për Kryeministrin Edi Rama në mungesë të informacioneve nga ministri i Brendshëm, Sandër Lleshaj. Paralajmërimet e opozitës mund të mos kenë qenë me interes për Edi Ramën, por kur u bë publike Analiza e Institutit Ndërkombëtar për Studime të Lindjes së Mesme dhe Ballkanit, IFIMES, në Lublanë, e cila duke gjykuar veprimin politik të Edi Ramës, gjithnjë e më shumë e kujton “Millosheviçin Shqiptar” dhe paralajmëron se situata aktuale në Shqipëri është shumë shqetësuese sepse qysh tani ka shenja të një lufte të mundshme civile, atëherë mëngjesi i së mërkurës duhe ta kishte gdhirë ndryshe Kryeministrin.

Por Kryeministri Edi Rama edhe sot vazhdon të mos përfill Dekretin e Presidentit të botuar në Fletoren Zyrtare e që anulon datën e zgjedhjeve 30 Qershor, ndërsen mbi Bashkitë dhe qytetarë që respektojnë ligjin, sandër Lleshajn dhe Dinar Bibën, dhe sot kur tensionet kanë arritur pikun në gjithë Shqipërinë, kur KZAZ-ve po i vihet flaka, nga Tirana kërcënon me burg protestuesit që do të pengojnë zgjedhjet apo procesin elektoral, me 5 deri në 10 vite burg.

“Nuk do lejohet të dalin nga vendi 5-10 vite kush kryen krim elektoral. Kjo masë do të kalojë nesër në Parlament. E gjithë kjo rrëmujë bëhet nga frika e reformës në drejtësi. Keqardhje për ata që i ndjekin se po përfundojnë burgjeve. Shkojnë në burg për Lulin dhe për fallxhoren. Nxisin njerëzit të bëjnë rrëmuja, vetë flenë në shtëpitë e tyre,” tha Edi Rama nga çershja e komunizmit në Shqipëri, Njësia Administrative nr. 1 Tiranë ku jetojnë përgjithësisht oficerë, spiunë, hetues, prokruro dhe gjyqtarë të Enver Hoxhës dhe të tjerët që nuk guxojnë të ndjehen që janë gjallë, por nga ana tjetër përplasjet në KZAZ vazhdojnë dhe Policia iu bind presionit qytetarë dhe jo llafollogjisë së Kryeministrit!

Dita e sotme ka nisur me tensione dhe në Kavajë, ku protestuesit janë mbledhur pranë KZAZ-ve, duke kërkuar lirimin e ambienteve.  

Nënkryetari i Bashkisë së Kavajës, Hysen Kadiu, i ka dhënë ultimatum policisë që deri në orën 16:00 të lirojë ambientet e KZAZ-ve.

“Ju lëmë afat deri në orën 16:00. Nëse i mbroni dot, hallall ju qoftë,” tha ai, zhvillim i cili u përsërit nga Shkodra para se Policia e Shtetit të provokon pushtetin vendor dhe qytetarët, dhe dihet si përfundoj.

Por të vendosur pëe zbatimin e Dekretit të Presidentiti ishin edhe Bashkia dh eopozitarët në Kamëz, ku KZAZ në “betejën” mes Policisë së Shtetit dhe Ligjit, në fund i takoi Ligjit, pra, qytetarëve.

U intensifikua dhuna policore, filloi gazi lotësjellës të përdoret ashtu si edhe Policët në shërbim të Edi Ramës por tensionet arritën pikun.

Situata u tensionua shumë edhe në Burrel, në KZAZ-në numër 16. Mbështetësit e opozitës kanë nxjerrë nga KZAZ materialet zgjedhore dhe iu kanë vënë flakën. Gjithashtu ata kanë bllokuar dhe rrugën dhe janë nisur drejt KZAZ 17 në Klos.

Për situatën e krijuar në Burrel, Partia Demokratike ka akuzuar policinë se në shkelje të plotë të ligjit ka ushtruar dhunë dhe ka sulmuar me gaz lotsjellës zyrtarët e bashkisë Burrel që po zbatojnë dekretin e Presidentit të Republikës për anulimin e zgjedhjeve.

“Pavarësisht dhunës se policisë e cila në shkelje të plotë të ligjit ndërhyn me dhunë në KZAZ Burrel, zyrtarët e bashkisë kanë ndërhyrë dhe kanë nxjerre jashtë materialet zgjedhore duke zbatuar kështu dekretin e Presidentit për anulimin e zgjedhjeve të 30 qershorit”, deklaron PD.

Por përkundër kërcënimeve të Edi Ramës, pas përplasjeve të dhunshme mes Policis së Shtetit dhe asaj bashkiake si dhe mbështetësve të opozitës, Policia ka hequr vullnetarisht materialet zgjedhore në KZAZ-në nr. 11 në Kukës.

Pas heqjes vullnetare të materialeve në Kukës, ka reaguar dhe Kryetari i Partisë Demokratike Dega Kukës Arif Rexhmati përems rrjetit social Facebook:

Iku me bisht ndër shallë policia e Lleshit bashkë me fletushkat e Ramës!

Situatë e tensionuar është edhe në në KZAZ Nr.64 në Berat, ku pas kërkesës së kryetarit të bashkisë për lirimin e ambienteve në zbatim të Dekretit të Presidentit të Republikës Policia e Shtetit ka penguar punonjësit e Bashkisë Berat dhe mbështetësit e opozitës të hyjnë në ambientet e KZAZ –së.

Ndërkohë që tensionet kanë vazhduar edhe në Bashkitë tjera që i binden Dekretit të Presidentit, në Shkodër situata vijon të mbetet e tensionuar pas arrestimit të 5 pjesëmarrëve të protestës së një ditë më parë te KZAZ nr.3 në shkollën “Shejnaze Juka”.

Ish deputetët e PD, Lorenc Luka dhe Izmira Ulqinaku, Kyetari i PD Dega Shkodër, Xhevdet Amuli si edhe përfaqësuesit ligjor të demokratëve, kanë kërkuar një takim me Drejtorin e policisë vendore, Niko Brahimaj, duke kërkuar lirimin e të arrestuarëve.