Beteja për votën e Diasporës!

Sot kur nisi procesi i regjistrimit të shqiptarëve që jetojnë jashtë vendit për pjesëmarrje në Zgjedhjet Parlamentare 2025, vlera e kësaj vote ka arritur kulmin falë propagandës politike që katapultuan dy partitë kryesore, duke e shndërruar dhe në çelësin e rezultatit më 11 Maj!

Por, cila është rëndësia e kësaj vote në këto zgjedhje, jo kur kemi parasysh përvojat e shteteve fqinje sepse ato ishin katastrofike dhe përfunduan me 1-3 mandate për të cilat Diaspora lufton sot në garë elektorale, por, kur kemi parasysh mënëyrën e Regjistrimit në faqen zyrtare të KQZ i cili jo vetëm që nuk premton, por, sot, me plotë gojën mund të thuhet se dekurajon për t’u manipuluar, dhe, natyrën komplekse që ka Diaspora Shqiptare.

Sot, kur edhe Edi Rama e ka të qartë se pas shkatërrimit që i bëri shtetit shqiptar, vetëm me votën e Diasporës mund të arrij shumicën qeverisëse në zgjedhjet e 11 Majit 2025!

Regjistrimi që nuk premton

Çdo emigrant që më 11 maj ka të drejtën për të votuar, duhet të regjistrohet si Votues nga Jashtë fillimisht duke krijuar një llogari në sistem përmes Platformës elektronike të regjistrimit, ku një votuesi i duhet një pajisje elektronike e çfarëdoshme e cila mjafton të ketë internet dhe një kamerë, numrin e telefonit që përdor ose adresën elektornike “email”, si dhe të domosdoshme janë të dhënat personale, nga ditëlindja, vendlindja, numri personal.

Llogaria krijohet vetëm duke treguar zgjedhësi fytyrën e tij të gjallë përpara kamerës, për të shmangur votimet familjare apo përmes personave të tjerë.

Pasi krijon llogarinë, votuesi duhet të dërgojë një kërkesë po në këtë sistem, ku i duhet një dokument identifikimi shqiptar. Në momentin e regjistrimit, pasaporta ose karta pranohen edhe nëse iu ka skaduar afati. Dokument tjetër me rëndësi, është një vërtetim se personi banon aty ku thotë. KQZ pranon dokumente të shumëllojshme, nga dokumentet e pronësisë, tek qiramarrjet apo faturat e ujit, gazit, energjisë, apo çdo abonim tjetër, përfshirë dhe dokumentet bankare. Adresa është e rëndësishme që Komisioni Qendror i Zgjedhjeve t’i dërgojë fletën e votimit aty ku ai jeton.

Brenda 5 ditësh, KQZ-ja do ta informojë emigrantin, nëse kërkesa e tij u pranua ose u refuzua. Në rast refuzimi, zgjedhësi do të informohet se çfarë ka bërë gabim dhe do t’i jepet mundësia të aplikojë përsëri.

Pasi të jeni regjistruar në Listën e Zgjedhësve nga jashtë vendit, Komisioni Qendor i Zgjedhjeve do t’ju dërgojë fletën e votimit dhe materiale të tjera udhëzuese tek adresa që ju keni deklaruar në PER.

Dërgimi i fletës së votimit bëhet nga Komisioni Qendror i Zgjedhjeve nëpërmjet shërbimit postar.

Pasi të keni marrë fletën e votimit, ju e plotësoni atë sipas udhëzimeve të Komisionit Qendror të Zgjedhjeve, duke zgjedhur subjektin zgjedhor dhe kandidatin që dëshironi. Fleta e votimit dërgohet mbrapsht në Komisionin Qendror të Zgjedhjeve duke llogaritur kohën që ajo të mbërrijë në këtë institucion, jo më vonë se ora 19:00 e datës 11 Maj 2025.

Kostot e shërbimit postar për dërgimin e fletës së votimit nga Komisioni Qendror i Zgjedhjeve tek ju, si dhe kthimin e saj nga ju për tek Komisioni Qendror i Zgjedhjeve, do të paguhen të gjitha nga shteti shqiptar.

Kjo është situata që shteti shqiptar ka krijuar jo për të votuar Diaspora por për t’u dekurajuar!

Në rastin më të mirë, një votuesi normal i duhet shumë vullnet, shumë kohë, dhe shumë durim, që sikur ti kishte çdo shqiptar normal, me përjashtim të kriminelëve të Sigurimit të Shtetit, nuk do ta merrte botën në sy por do të priste rënien e regjimit të Edi Ramës!

Për të realizuar gjithë këtë marifet shtetëror shqiptar, janë vetëm dy rrugë: Ose të punohet shumë me të gjithë ata që për fajtor njohin vetëm regjimin komunist dhe Edi Ramën pse u detyruan të largohen dhe të mos konsiderohet fare me idealizëm dëshira që shfaqin ata për t’u kthyer, ose, me sytë nga qielli të pritet kjo votë të jetë sa më e madhe!

Diaspora shqiptare sot

Diaspora shqiptare sot ka një natyrë komplekse jo vetëm për faktin e përbërjes së saj, por dhe trashëgimtarëve që bazuar në përvojën komuniste sot janë shumë më të egër derisa ata antikomunistë shumë më të beftë sepse pak është të thuhet, liberal!

Injektimi që ka filluar ti bëjë Edi Rama me metodën e patronazhistëve në Shqipëri mund të ndryshoj shumëçka nëse i lejohet, por, përbërja e Diasporës shqiptare aktualisht është:

Ekonomike, pas mëvetësisë së Shqipërisë, periudhës së Mbretit Zog dhe bolshevikut Fan Noli; Kundërshtarëve të regjimit komunist gjatë periudhës së Enver Hoxhës, dhe agjentëve të Sigurimit të Shtetit që vepruan ku ishin strehuar këta kundërshtarë; Bashkëpunëtorëve të Sigurimit të Shtetit që ikën kryesisht në Perëndim pas rënies së regjimit komunist; Oficerëve të Sigurimit të Shtetit, fajtorëve të firmave piramidiale, mbështetësve së bashku me përfituesit e tyre dhe vrasësit e trazirave të ’97; Dhe, në fund, të përndjekurit e regjimit të Edi Ramës së bashku me ata që humbën shpresën se ky llum din të bëjë shtet!

Të projektosh një strategji elektorale për këtë lloj Diaspore ku komunistët janë më aktiv, si kudo në botë, duke projektuar të ardhmen e vendit, nuk është idealizëm, por, çmenduri!

Por, nëse vërtetë nuk ka zgjidhje tjetër përveç shporrjes së Edi Ramës me votën e Diasporës, atëherë si në çdo demokraci ku votës së fituar i ipet pushteti, edhe në rastin e Diasporës shqiptare, bazuar në kontributin që jep në zgjedhjet e 11 Majit 2025, duhet ti premtohet dhe ti jepet vendi i duhur në Parlamentin dhe Qeverinë e ardhshme të Shqipërisë pa Edi Ramën.

Në fund, duhet thënë se në këtë betejë për votën e Diasporës, nuk na duhet mençuria e Georg Wilhelm Friedrich Hegel kur thotë se “është më mirë të luftosh dhe të humbësh betejën sesa të mos luftosh kurrë fare” por inkurajimi që jep mençuria e udhëheqësit ushtarak dhe politikanit amerikan pas komandimit të suksesshëm të forcave aleate në Evropën Perëndimore gjatë Luftës së Dytë Botërore, si dhe shërbimit si President i 34-të i Shteteve të Bashkuara, Dwight Eisenhower:

“Ajo që ka rëndësi nuk është domosdoshmërisht madhësia e qenit në luftë – por madhësia e luftës në qen.”