BIE SHKODRA/ Komunisti Benet Beci i përmbyti, shkodranët e shpërblejnë me votë!
Komunizmi nuk arriti të shkel në Shkodër që nga viti 1945 por sot që shkeli me Benet Becin dhe Sigurimin e Shtetit, erdhi me ndihmën e votës së atyre që Beneti i përmbyti dhe më 14 Maj në shenjë falënderimi i dhanë votën.
Si u bënë 18.205 votat e PS vetëm për 1 vit 34.470 vota nuk e sqarojnë dot as Bedelët e Edi Ramës që sot aq shumë të ekzaltuar po festojnë humbjen e Saliut me 8000 votat e tyre që i dhuruan Kryeministrit, as Tomë non grata që po çon përpara qëllimet e Benetit me euroatlanikët e Kryetarit Nënkryetar, nuk e sqaron dot!
Ndërsa Bardh Spahia me 22.769 vota ose 39.78% ka një rezultat normal që vetëm për 1 vit arrit të shtoj me 10% votat e tij me mbështetjen e atyre që e duan Shkodrën, trashëgiminë e saj, artin, kulturën dhe nuk harrojnë se cilal është forca qëllim keqe e mortajës komuniste, që tashmë e ka marrë në krahë Benet Beci dhe u fut në kështjellën e fundit që nuk e moposhti dot!
Ndërkohë 58.11% votat për Benet Becin në Anën e Malit, 61.76% në Dajç, 74.41% në Velipojë, 61.19 në Gurin e Zi dhe 61 59% në Bërdicë, vende këto që u përmbytën nga Beneti, nuk morën asnjë dëmshpërblim dhe sot rezulton se votuan Benetin, në të ardhmen mund të jenë objekt i një studimi mjekësor psikologjik por nuk kanë kurrfarë lidhje me zgjedhjet sikur Tomë non grata ti ketë hedhur edhe paratë e dynjasë dhe është po kjo dyshe kriminale Beneti-Toma që bënë sehir kur ata as gjënë e gjallë nuk po e shpëtonin dot dhe vetëm pushteti lokal u doli në ndihmë!
Me këtë rezultat, ashtu si çdo shkodran normal nuk ishte kënaqur as kryetari aktual i Bashkisë Shkodër, Bardh Spahia, duke theksuar se pushteti i dalë nga krimi dhe paratë e pista nuk jeton gjatë.
“Çdo pushtet i dalë nga bota e krimit dhe paratë e pista nuk jeton gjatë, ndërsa shpirti i lirë i Shkodrës i ka rezistuar edhe kohëve më të errëta,” shprehet Bardh Spahia duke përfunduar:
“Mirënjohje për të gjithë qëndrestarët dhe ata që nuk bëjnë kompromis për lirinë.”
Po, kjo është demokracia, shqiptarët nuk e duan Orkestrën Simfonike të Shkodrës, as Teatrin e larg qoftë plazhin e pastër të Velipojës që e pastron edhe vetë Kryetari i Bashkisë, doktori i nderuar Bardh Spahia!
Por e duan si Anën e Malit, ashtu dhe Dajçin, Velipojën, Gurin e Zi dhe Bërdicën nën ujë, të përmbyten deri në fyt, të shtrihen si derra duke pritur se kur po e mbyllë KESH-i digën në Vaun e Dejës, për ti thënë Edi Rama se ishte punë e Zotit dhe janë shumë më mirë në kohën e Saliut!
E kur t’ju fletë dikush për Orkestrën Simfonike të Shkodrës ose Teatrin, ky njeri i padenjë që shitet për 5000 lekë, përgjigjen e kanë në maje të gjuhës: Ne e kemi Luizin!
Ndryshe, Bardh Spahia u shpall Kryetar i ri i Bashkisë Shkodër në marsin e vitit të kaluar me 20.125 vota ose 43.67% , e dyta u rendit Majlinda Angoni e PS me 18.205 vota ose 39.51% ndërsa kandidati i Bedelëve të Edi Ramës, Xhemal Bushati u rendit i treti duke marrë 7.749 vota ose 16.82% të votave.
Cili është aktualisht ky raport dhe a janë sërish Bedelët që i dhanë fitoren komunistit Benet Beci do të dëshmoj rezultati i Këshillit Bashkiak!
