Boçi ironizon Ministrinë e Arsimit/ Ja gafa që nxjerr të pavlefshme juridikisht dëftesat…

Deputeti i PD-së, Luçiano Boçi, ka ironizuar Ministrinë e Arsimit me një tjetër papërgjegjshmëri, pasi në një dëftesë, ka ngatërruar numrat rendorë, duke e bërë dokumentin juridikisht të pavlefshëm.
“Mos u habisni!

Ministria që nuk di të numërojë deri në dhjetë, është Ministria e Arsimit.
Për të qeshur e për të qarë.

Megjithëse titullarja ka mbaruar matematikë, në dëftesën e lirimit pas nr. 9 vjen nr. 11.

Rastësia është e përjashtuar tashmë, sepse dëftesa e printuar ka marrë viston e titullares.
Kjo është papërgjegjshmëri plus paaftësi.

Dokumenti në fjalë është i pavlefshëm”, shkruan Boçi.