Boçi përgënjeshtron Nikollën: Dëftesat me gabime i shpërndatë, pastaj kërkuat…
Deputeti demokrat Luçiano Boçi ka përgënjeshtruar gjatë debatit në Komisionin parlamentar të Edukimit, ministren e Arsimit, Lindita Nikolla, për atë që opozita e cilëson si skandalin e dëftesave
Boçi akuzoi Nikollën si përgjegjësen kryesore që sot 420 mijë nxnëës të sistemit parauniversitar shqiptar nuk kanë marrë ende dëftesat.
Nikolla i cilësoi shpifje akuzat e deputetëve demokratë, teksa shtoi se me ta do të përballet në Prokurori.
Por përgjigja nga deputeti Luçiano Boçi ka qënë me prova. Ai përgenjështroi Nikollën, e cila u shpreh se dëftesat me problem nuk ishin shpërndarë në shkolla, dhe se gabimi ishte kapur në kohë.
Deputeti Boçi i publikoi në sy Nikollës një email të nisur nga drejtoria arsimore Durrës drejtuar shkollave ku kërkonte ndërprerjen e plotësimit të dëftesave për shkak të gabimeve deri në riprintimin e tyre dhe ato që janë shpërndarë të rimblidhen.
