Bojkot Kuvendit? Ja çfarë vendos grupi parlamentar i PD…

Marrëdhënie të kushtëzuar me Parlamentin. Është ky vendimi që duket se është marrë nga grupi parlamentar demokrat ku është diskutuar mbi qëndrimin që do të mbajë partia më e madhe e opozitës pas protestës së të shtunës.

Në mbledhje një pjesë e ligjvënësve kanë kërkuar bojkotimin e Kuvendit, madje deri në djegie mandatesh.

Por duket se vendimi i marrë është ai i një marrëdhënieje të kushtëzuar, i alternuar me protestat e deputetëve gjatë seancave parlamentare dhe protestave të ndryshme qytetare. Burimet bëjnë të ditur se PD do të protestojë deri më 28 qershor, ndërsa në komisione do të vijojë denoncimi në komisionet parlamentare i Fatmir Xhafajt.