Bordi drejt rekordit të ri të çmimit të naftës, sot arrin 248 lekë/litri

Bordi i Transparencës ka rritur sërish çmimin e naftës, duke iu afruar dhe rekordit të 17 Qershorit kur Qeti dhe Rama vendosën ta tregtojnë me 265 lekë për litër.

Sot çmimi i naftës u rrit me 9 lekë më shumë nga vendimi i fundit dhe do të tregtohet me 248 lekë për litër.

Çmimi i benzinës ka pësuar një rënie të lehtë dhe do të tregtohet me 248 lekë për litër, ndërsa ai gazin është rritur me 1 lekë dhe do të tregtohet me 79 lekë për litër.

Çuditë fakti se në arsyetimin e Vendimit të Bordit thuhet se ndryshimi i çmimeve vjen si rezultat i rritjes së çmimeve në bursën Platts Mediteran ku benzina ështe ulur me -33$/ton dhe Gazoili është rritur me + 75 $/ton nga data 22.08.2022 ndërkohë rritja e fundit e çmimeve të karburanteve nga ky Bord i çorientuar është bërë më 23 Gusht!

Ndryshe, çmimet e caktuara nga Bordi i Transparencës do të hynë në fuqi sot datë 27 Gusht ora 18.00 p.m dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Vendimi:

-Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 248 lekë/litri, ndërsa i shitjes me shumicë jo më shumë se 236 lekë/litër.

-Çmimi i shitjes me pakicë i nënproduktit benzinë e standardit SSH EN  të  jetë jo më shumë se 201 lekë/litri,ndërsa i shitjes me shumicë jo më shumë se 189 lekë/litër.

-Çmimi i shitjes me pakicë i nënproduktit gaz, të jetë 79 lekë/litri me pakicë dhe i shitjes me shumicë 67 lekë/litër për automjetet.

Çmimet e caktuara nga Bordi do të hynë në fuqi sot datë 27 Gusht ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Sipas Bordit ndryshimi i çmimeve vjen si rezultat i rritjes së çmimeve në bursën Platts Mediteran ku benzina ështe ulur me -33$/ton dhe Gazoili është rritur me + 75 $/ton nga data 22.08.2022.