Bordi e rriti për ta ul sot çmimin e naftës!

Kur Bordi i Transparencës vendosi katër ditë më parë për të rrit çmimin e naftës kur të gjitha shtetet e rajonit vendosën të ulin çmimin e tregtimit të naftës ishte një vendim i pakuptimt ashtu siç është dhe vendimi i sotëm mbi uljen e çmimit!

Gjithsesi, duke filluar prej sot një litër naftë do të tregtohet me 193 lekë ose 4 lekë me pak se vendimi i datës 4 Mars.

Çmimi i benzinës dhe gazit mbetet i pandryshuar, 190 lekë për litër përkatësisht 80 lekë për litër.

Ndryshe, çmimet e caktuara nga Bordi i Transparencës hynë në fuqi sot në datë 8 Mars, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 193 lekë/litri, ndërsa i shitjes me shumicë jo më shumë se 181 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 190 lekë/litri, ndërsa i shitjes me shumicë jo më shumë se 178 lekë/litër.

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.

Çmimi i gazoilit për peshkim është vendosur 99 lekë/litër.

Çmimet e caktuara nga Bordi do të hynë në fuqi në datë 8 Mars ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.