Bordi i Transparencës bëhet pishman që uli çmimin e naftës, sot e rrit me 6 lekë

Një ditë pasi çmimi i naftës u ul me 1 lek, sot Bordi i Transparencës siç duket është pishman dhe ka vendosur ta rris me 6 lekë, duke e çuar çmimin në 218 lekë për litër, nga 212 që u vendos një ditë më parë.

Ndërkohë çmimi i benzinës është ulur me 2 lekë dhe do të shitet me 179 lekë për litër, nga 181 që u vendos një ditë më parë.

Çmimet e caktuara nga Bordi do të hynë në fuqi sot datë 30 Tetor ora 15:00 dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Kështu Bordi i Transparencës në datë 30Tetor 2026, vendosi:

– Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 218 lekë/litri, ndërsa i shitjes me shumicë jo më shumë se  206 lekë/litër.

– Çmimi i shitjes me pakicë i nënproduktit benzinë e standardit SSH EN të jetë jo më shumë se 179  lekë/litri, ndërsa i shitjes me shumicë jo më shumë se 167 lekë/litër.

– Çmimet e caktuara nga Bordi do të hynë në fuqi sot datë 30 ora  15.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Bordi i Transparencës i tërheq vëmendjen çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Ndërkohë Ministria e Ekonomisë dhe Inovacionit së bashku me Ministrinë e Financave dhe Ministrinë e Infrastrukturës dhe Energjisë janë angazhuar të mbrojnë interesat e konsumatorëve shqiptarë dhe ruajtjes së parimeve të konkurrencës së ndershme në treg.