Bordi i Transparencës sërish ul çmimin e naftës

Bordi i Transparencës ka vendosur sërisht të ul çmimet e naftës, në përpjekje për të “korrigjuar” tronditjen që i dhanë konsumatori me 248 lekë për litër.

Sot, Bordi ka vendosr që nafta të tregtohet për 5 lekë më pak me 232 lekë për litër, benzina për 4 lekë më pak me 192 lekë ndërsa gazi do të vazhdoj të tregohet me 78 lekë për litër.

Ndryshe, çmimet e caktuara nga Bordi i Transparencës do të hynë në fuqi sot datë 2 Shtator ora 18.00 p.m dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

– Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 232 lekë/litri, ndërsa i shitjes me shumicë jo më shumë se 220 lekë/litër.

– Çmimi i shitjes me pakicë i nënproduktit benzinë e standardit SSH EN  të  jetë jo më shumë se 192 lekë/litri,ndërsa i shitjes me shumicë jo më shumë se 180 lekë/litër.

– Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 2 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.