Bordi i Transparencës vjen me çmime të reja për karburantet

Bordi i Transparencës sot vjen me çmime të reja për karburantet duke arsyetuar uljen me zhvillimet në bursat ndërkombëtare ndonëse atje ka dy ditë që kanë pësuar ulje.

Kështu, duke filluar prej sot çmimi i naftës do të ulet me 5 lekë dhe ajo do të tregtohet me 190 lekë për litër, ndërsa benzina do të ulet me 3 lekë dhe ajo do të tregtohet me 186 lekë për litër.

Ndërkohë çmimi i gazit mbetet i pa ndryshuar, 80 lekë për litër.

Ndryshe, çmimet e caktuara nga Bordi i Transparencës hynë në fuqi sot në datë 18 Shkurt, ora 18:00, dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftimi:

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 190 lekë/litri, ndërsa i shitjes me shumicë jo më shumë se 178 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 186 lekë/litri, ndërsa i shitjes me shumicë jo më shumë se 174 lekë/litër.

Çmimi i shitjes me pakicë i nënproduktit gaz, të jetë 80 lekë/litri me pakicë dhe i shitjes me shumicë 68 lekë/litër për automjetet.

Çmimi i gazoilit për peshkim është vendosur 96 lekë/litër.

Çmimet e caktuara nga Bordi do të hynë në fuqi në datë 18 Shkurt 2023, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.