Bordi ul sërish çmimin e karburanteve, nafta në 216 lekë për litër

Bordi i Transparencës ka ulur për të dytën ditë me radhë çmimin e karburanteve.

Sot Bordi uli çmimin e naftës sërish për 8 lekë dhe ajo do të tregtohet me 216 lekë për litër ndërsa çmimi i benzinës do të ulet për 4 lekë dhe do të tregtohet me 194 lekë për litër.

Ndërkohë për quajtur ditë e uljes së çmimit të karburanteve Bordi u tall paksa me gazin duke e ulur për 1 lekë dhe ai do të tregtohet me 77 lekë për litër.

Ndryshe, vendimet e Bordit të Transparencës do të hynë në fuqi sot datë 16 shtator 2022, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Njoftim:

Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 216 lekë/litri, ndërsa i shitjes me shumicë jo më shumë se 204 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 194 lekë/litri, ndërsa i shitjes me shumicë jo më shumë se 182 lekë/litër.

Çmimi i shitjes me pakicë i nënproduktit gaz, të jetë 77 lekë/litri me pakicë dhe i shitjes me shumicë 68 lekë/litër për automjetet.

Çmimet e caktuara nga Bordi do të hynë në fuqi sot datë 16 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.