Braçes i doli punë/ Gjykata, “arrest me burg” për 20 punonjës të Kadastrës në Durrës!

Pas arrestimit të Ish-Drejtorit të Kadastrës së Durrësit, Liridon Pula, i akuzuar se së bashku edhe me zyrtarë të tjerë, kanë tjetërsuar dhe abuzuar me pronat, kryesisht në bregdet, dhe lirimit nga Gjykata e Apelit me ndihmën e Kryeministrit Edi Rama dhe angazhimin e veçantë të Z/Kryeministrit Erion Braçe, policia sot ka shoqëruar 26 punonjës të Kadastrës së Durrësit.

Prej tyre, Gjykata e Durrësit dha masën “arrest me burg” për 20 punonjësit e Kadastrës së Durrësit ndërsa 6 me masën “detyrim paraqitje”.

Ndonëse Edi Rama dhe Erion Braçe ende nuk kanë reaguar duke akuzuar prokurorin që firmosi urdhërin si në rastin e Liridon Pulës, mësohet se punonjësit po merren në pyetje për dosje të ndryshme pronash, me të cilat policia dyshon se janë kryer abuzime.

Ndryshe, në fillim të muajit, prokuroria arrestoi përgjegjësen e sektorit juridik në ASHK-në e Durrësit, Lusiena Kola. Më pas u arrestua Ish-Drejtori i Kadastrës së Durrësit, Liridon Pula, por prokurori që guxoi të firmos këtë arrestim, Arjan Ndoja, u përballë me akuza nga Kryeministri Edi Rama dhe Zv/Kryeministri Erion Braçe, se mbështet bandat e krimit dhe se ka ushtruar presion ndaj Drejtorit të Kadastrës së Durrësit. Në mes të Pokurorit Ndoja dhe Zv/Kryeministrit Braçe të angazhuar personalisht edhe me prezencë në sallën e gjykatës, Gjykata e Apelit zgjodhi njeriun e pushtetit dhe më 18 tetor liroi Pulën duke i dhënë masën “detyrim paraqitje”.

Bazuar në mënyrën e qeverisjes së Edi Ramës, tashmë pritet ta shohim Erion Braçen në mbrojtje të 20 abuzuesëve të tjerë me pronat me masën “arrest me burg”, të cilët mund të akuzohen jo vetëm për tjetërsimin e pronave në Gjirin e Lalëzit por ashtu sikur se drejtuesi i tyre janë shumë të qetë, janë në mbrojtje të pushtetit aktual pavaësisht natyrës së abuzimit dhe bandës për të cilën kanë vepruar.