Bruksel, sot lista e re me shtetet që mund të udhëtojnë drejt BE

Ambasadorët e shteteve anëtare të Bashkimit Evropian sot në Bruksel do të shqyrtojnë masat e përkohshme që janë vendosur për udhëtim në BE dhe mundësinë e heqjes së këtyre masave.

Para këtij takimi, burime diplomatike në Bruksel janë shprehur se nuk pritet që të ndryshohet lista e vendeve që kanë të drejtë të udhëtojnë në BE përkatësisht që shtetet e Ballkanit të futen në këtë listë.

Brukseli zyrtar do të shqyrtoj situatën epidemiologjike të shteteve që nuk u lejohet udhëtimi drejt Bashkimit Evropian por kriteri i Këshillit të BE për numrin e të infektuarëve për 100 mijë banorë nuk ka ndryshuar, duhet të jetë 16 përkatësisht nën 25 të infektuar në 14 ditët e fundit.

Ndryshe, në listën e shteteve joanëtare të BE që u lejohet udhëtimi drejt Bashkimit Evropian janë: Australia, Kanadaja, Gjeorgjia, Japonia, Zelanda e Re, Ruanda, Korea e Jugut, Tailanda, Tunisia, Uruguaji dhe Kina e cila është kushtëzuar me parimin e reciprocitetit.