Denaj-Reçica, marrëveshje për unifikimin e tregut të punës

Ministrja e Ekonomisë së Shqipërisë, Anila Denaj, pas takimit me Ministrin e Punës së Kosovës, Skënder Reçiça, pas takimit që zhvilluan në Tiranë bënë të ditur se po punohet për një formalizim sa më të madh të ekonomisë në Shqipëri dhe Kosovë ndërsa marrëveshja për unifikimin e tregut të punës për të cilën u diksutua pritet të zyrtarizohet së shpejti.

“Duhet të formalizojmë tregun e punës. Neve na kërkohet që të kemi rezultate deri në fund të muajit dhe mbetem besim-plotë se do ia dalim të kemi sukses,” tha Anila Denaj ndërsa Skënder Reçiça foli për përpjekjet për të lehtësuar jetën e një qytetari në Podujevë me atë të Vlorës, atë të Gjakovës me të Elbasanit etj.

“Ne duam të nënshkruajmë marrëveshje për unifikim të tregut të punës. Pas kësaj marrëveshje, qytetarët tanë do kenë më shumë mundësi për studim profesional dhe për punësim,” tha Ministri i Punës së Kosovës, Skënder Reçiça, duek shtuar se zyrtarizimi i kësaj marrëveshje përafron Shqipërinë dhe Kosovën me BE-në.