Ku po shkon PD?! Endrit Shabani, Avokat i Popullit Komunist, Oerd Bylykbashi s’jep dorëheqje!
Pas 35 firmave që mblodhi Nënkryetari i Partisë Demokratike, Oerd Bylykbashi, për kandidatin për Avokatin e Popullit, Endrit Shabani, sipas kandidates demokrate në këtë garë Ardiana Kalaja dhe Bylykbashi nuk e përgënjeshtroi, Kryeministri i Zegjinesë dhe Belinda Ballukut, Edi Rama, e zgjodhi “opozitarin nga Oxfordi”, Avokat të Popullit Komunist të radhës!
Pavarësisht arsyetimeve banale të Partisë Demokratike dhe liderit të saj pse u mblodhën këto 35 firma për Endrit Shabanin, jo zgjedhja e një llumi komunist si Avokat i Popullit sepse i tillë ishte që nga themelimi i këtij institucioni, por vetë pozicioni i Oerd Bylykbashit si Bashkëkryetar i Komisionit për Reformën Zgjedhore e cenon përveç se të ardhmen e Partisë Demokratike, edhe të gjithë shqiptarëve kudo që janë në botë!
Dorëheqja e Oerd Bylykbashit si një akt i domosdoshëm politik për qetësimin e shpirtërave demokratë pas këtij skandali që shkaktoi lëvizje të forta tektonike në PD, do të jepte dhe një mesazh se me largimin e Bylykbashit “negociatat” me Edi Ramën do të bëhen ndryshe; “Negociata”, të cilat që nga ardhja e Edi Ramës në krye të Partisë Socialiste nuk janë respektuar dhe përveç se shkuan në dëm të Partisë Demokratike, pësoi edhe e gjithë Shqipëria!
Ndryshe, nëse lidershipi i Partisë Demokratike nuk reflekton dhe lejon që Oerd Bylykbashi të drejton procese të rëndësishme politike në këtë vend gjithmonë i gatshëm për ti shërbyer Sorosit edhe si Nënkryetar i PD, atëherë edhe zotimi i dhënë nga lideri i opozitës Sali Berisha mbrëmë në 35-vjetorin e PD për kurorëzimin e Partisë Demokratike si forcën e vetme politike në planet që gjatë ekzistencës së saj shembi dy diktatura, nuk ka më kuptim!
Të dy këto anomali nuk shkojnë bashkë! Ose dorëheqje e Oerd Bylykbashit ose përsëritje e organizimit të ceremonisë për 35 vjetorin e themelimit ku fjalimi i liderit të opozitës do të reduktohet me premtimin për shembjen e diktaturës së dytë, dhe, shqiptarët le të presin vendimin e Fondacionit Kriminal Soros për të larguar shefin e Endri Shabanit dhe Oerd Bylykbashit, Edi Ramën!
Për ata që nuk iu bindën parashikimit të Pafrikë.al shumë kohë më parë, mbrëmë para mesnatës, nën kujdesin e Kryeministrit të Edrit dhe Oerdit, u finalizua operacioni i përmbylljes së mandatit të “opozitarit nga Oxfordi” dhe kalimit të tij në amshimin e Avokatit të Popullit Komunist ku, jo ashtu siç kishte premtuar Kryetari i Grupit Parlamentar për zgjedhjen e këtij Avokati nga opozita, por degjenerimin e këtyre kandidatëve me 0 vota!
Përpjekja e fundit e opozitës për të shpëtuar nderin e Bylykbashit dhe vetes së saj me kërkesën për tërheqjen e firmave për të gjithë 6 kandidatët me pretendimin se PS kërkon të marrë Avokatin e Popullit duke vendosur Endri Shabanin në krye të saj, dhe kërkesën e grahmave të fundit që Projektvendimi të mos votohej në Parlament, me argumentin se ata kanë pasur vetëm firma për mbështetje ndaj disa kandidatëve dhe jo një propozim konkret u rrëzua me demonstrimin e demokracisë në Parlament, me votim.
“30 vota pro heqjes nga rendi i ditës, 77 vota kundër, 1 abstenim. Pra me 77 vota kundër mbetet në rendin e ditës projektvendimi për zgjedhjen e Avokatit të Popullit,” tha Kryetari i Parlamentit, Niko Peleshi, pas leksionit politik që i dha Grupit të Partisë Demokratike e cila në emër të Bashkimit ka braktisur çdo parim të themelimit si Parti, duke përfshirë së fundi edhe atë ideologjik.
Pas këtij bastardimi, Edi Rama nuk i tregoi Partisë Demokratike se voton vetëm komunist si Endrit Shabani, por, që kandidatëve demokrat nuk i japin as edhe një votë.
Epilogu i këtij turpi të Partisë Demokratike ishte: 1 votë për, 79 abstenime dhe 7 kundër për Tartar Bazajn; 4 vota për, 76 abstenime dhe 7 kundër për Aranita Brahajn; 1 votë për, 72 abstenime dhe 14 kundër për Skënder Halucin; 0 vota për, 69 kundër dhe 17 abstenime për Adriana Kalajën; 0 vota për, 61 abstenime dhe 25 kundër për Besim Ngregjonin; Dhe, qershia mbi Yllin Komunist nën kujdesin e Edi Ramës, kur deputetët e opozitës braktisën procesin e votimit, zgjodhën Endri Shabanin me 85 vota për, 0 abstenime dhe 3 vota kundër!
