Çfarë po ndodh në Shqipëri? 13 lëkundje tërmeti në pak orë…

Vendi ynë është goditur nga një sërë tërmetesh gjatë natës së shkuar. Sipas Institutit të Gjeoshkencave, janë regjistruar të paktën 14 tërmete me intensitet të ulët.

Pas lëkundjeve që janë shënuar në Vlorë, në orët e darkës, dhe në Gjirokastër ka pasur lëkundje të forta sizmike gjatë orëve të para të mëngjesit.

Tërmeti më i fundit është regjistruar rreth orës 03:15 minuta të mëngjesit të sotëm në Zhulat të Gjirokastrës me një magnitudë prej 2.6 ballë dhe thellësi 5 km.

Zona që ka regjistruar tërmete të shumta është fshati Vermik në Vlorë, në të cilin kanë ndodhur 8 tërmete të vegjël, ndërsa tre tërmete janë regjistruar në fshatin Bolenë në Dhërmi. Një tërmet është regjistruar në afërsi të kufirit me Greqinë.