Çifti irlandez kishte zgjedhur Matin për muajin e mjaltit, por…

Brian dhe Zoe ishin dy nga turistët që ndodheshin në zonën turistike të Matit, e cila u përfshi nga flakët pasditen e së hënës, duke shkaktuar tragjedinë më të madhe të dekadave të fundit në Greqi, me mbi 80 viktima.

Brian dhe Zoe, çift irlandez, kishin zgjedhur Greqinë për muajin e tyre të mjaltit, por që tragjedia e ndodhur duket se i ndau përfundimisht.

Brian ndodhet mes 100 personave të zhdukur, ndërsa Zoe ariti t’i shpëtojë tragjedisë dhe ndodhet në një spital, ku ka marrë ndihmën mjekësore.

Çifti irlandez ishte martuar të enjten e kaluar dhe më pas ishin zhvendosur për muaj mjalti në Mati. Ata kanë një histori të gjatë dashurie dhe vitin e kaluar Brian i kishte propozuar për martesë të dashurës së tij.