VIDEO/ Tragjedia në Athinë dhe drama e familjes që kërkon binjaket 9-vjeçare

Tragjedia që përfshiu zonën turistike të Matit në periferi të Athinës vijon të prodhojë drama. E ndërsa në terren grupet e shpëtimit po kontrollojnë zonën, tashmë të shkrumbuar, për të gjetur personat që rezultojnë të zhdukur, dy vajza binjake, 9 vjeçe, të cilat sipas babait të tyre kanë hipur në një varkë peshkimi, nuk dihet se ku kanë përfunduar.

Yannis Philippopoulos, babai i vajzave thotë se, ato ishin ndër të mbijetuarat e tragjedisë së të hënës, ndërsa në pmajet filmike rezulton se ato ndodhen në një varkë dhe shumë pranë tyre është një burrë me mjekër.

Vajzat nuk rezultojnë të regjistruara në posrtin e Rafinës, por kjo mund të shpjegohet me faktin se ka qenë një situatë kaosi dhe paniku, ku qindra e qindra persona përpiqeshin t’I shpëtonin flakëve.

Familja e dy vajzave binjake përmes rrjeteve televizive ka kërkuar ndihmën e gjithkujt që ka dijeni se ku mund të ndodhen 9 vjeçaret.

“Porti i ka regjistruar 25 të mbijetuarit nga një anije, mes tyre edhe katër vajza”, tha Dimitris Perifanos, kapiteni i anijes në të cilën babai njohu dy binjaket e tij të zhdukura, Sophia dhe Vasiliki Filippopolou.