Cila është struktura që dyshohet se survejon Bashën dhe familjen e tij?

A survejohet apo jo kreu i opozitës Lulzim Basha dhe familja e tij nga një strukturë e posaccme e Policisë së Shtetit?

E ndërsa për Policinë e Shtetit një lajm i tillë nuk është i vërtetë, për Partinë Demokratike operacioni për gjurmimin dhe survejimin e Bashës dhe familjes së tij është bërë me urdhër të Edi Ramës, Fatmir Xhafajt dhe me bekimin e Arta Markut, Prokurore e Përgjithshme e Përkohshme.

Media njoftoi sot se Basha survejohet nga Njësia Speciale Operacionale në Policinë e Shtetit. Por cila është kjo strukturë dhe në varësi të kujt është ajo?

Strukturat Speciale Operacionale janë forca rezervë të Drejtorit të Përgjithshëm të Policisë së Shtetit, që kanë për mision  kryerjen e operacioneve të sigurisë së veçantë dhe zgjidhjen e situatave, të cilat nuk mund të përballohen nga shërbimet e tjera të Policisë, ekzekutimi i të cilave kërkon personel të përgatitur dhe të pajisur në mënyrë të posaçme dhe dhënia e ndihmës në rastet e emergjencave civile dhe aksidenteve, për mbrojtjen e jetës dhe pronës, thuhet në faqen zyrtare të Policisë së Shtetit, lidhur me misionin e kësaj structure policore.

Sot disa deputetë të PD shkuan në zyrat e Policisë së Shtetit ku kërkuan informacion mbi atë se ccfarë po ndodh, ndërsa pak minuta më pas një njoftim zyrtar policor përgënjeshtroi lajmin.