‘Mos pyesni për ministra dhe deputetë…’/ Ja mesazhi i Ramës në takimin me drejtuesit e …
Kryeministri Edi Rama është treguar i prerë sot gjatë një takimi me dyer të mbyllura me drejtuesit e Zyrave Rajonale të Punës. Sikundër mësohet, Rama ka kërkuar prej tyre të largojnë cilindo nga vartësit që nuk përmbush objektivat apo ka performancë të dobët në kryerjen e detyrës, pavarësisht ndërhyrjes që është bërë për të.
“Largoni të paaftët, mos bëni punën e tyre, mos shikoni ndërhyrjet, kush i ka punësuar apo kush ju ka telefonuar për t’I mbajtur në punë. Nëse keni raste ndërhyrjesh më dërgoni mesazhe telefonike me emrin e ndërhyrësit, qoftë ky deputet apo ministër”, mësohet të jetë shprehur Rama në takimin me dyer të mbyllura.
Në vijim, Rama ka pasur një paralajmërim të qartë për drejtuesit rajonale të Zyrave të Punës, të cilëve u ka thënë se do të lënë detyrat nëse nuk kanë performan në përputhje me objektivat.
