Çkodimi i Kodit të ri Zgjedhor!

Debati që shpërtheu me publikimin e Projektligjit “Për disa shtesa dhe ndryshime në ligjin nr. 0019, datë 29.12.2008 “Kodi zgjedhor i Republikës së Shqipërisë”, i ndryshuar”, që u finalizuan me analistin e mrekullueshëm të Doktorit që pret arkivolin e “opozitës të cilën e vrau Berisha me listat e mbyllura”, dhe shfaqjen teatrale të Zotni Lafshës me bedelët e tij në foltoren e parlamentit “pazari Rama-Berisha” që nuk hapi listat, alarmoi demokratët se çfarë po ndodhë me partinë e tyre, nga e cila presin që ta rrëzoi Edi Ramën nga pushteti!

Alarmoi dhe nuk sqaroi, sepse të menduarit është nga këndvështrimi komunist ose në rastin më të mirë nga indoktrinimi që i bënë Sigurimi i Shtetit me mediat kombëtare që ka nën kontroll!

Që në krye të herës, duhet sqaruar se listat e hapura ose të mbyllura nuk vendosin fituesin e zgjedhjeve parlamentare të vitit 2025, dhe nëse çkodojmë Kodin e ri Zgjedhor me ndryshimet e 26 korrikut, po, ka një problem madhor!

Bazuar në zhvillimet e vitit 2021, shqiptarët duhet të relaksohen sepse u pa se lista e hapur nuk ishte ajo që i bashkoi demokratët, por i bëri që të mos flasin as kandidatët në mes vete, si në rastin e Fierit, ku asnjëri prej tre shokëve për asnjërin nuk ishin demokratë që ia vlejnë të jenë në listë! Ose, rasti i Shkodrës, ku Edi Rama dhe Tom Doshi u harruan, sepse lufta për rrëzimin nga lista të Bardh Spahisë u bë shumë më primare se fitorja e PD!

Dhe, gjithë ky llum, që Zotni Lafsha e renditi në listën e deputetëve Partisë Demokratike, po nga ky lider injorant u quajtën mbrëmë dele!

Sigurisht, 29 deputetët demokratë që votuan për ndryshimet në Kodin Zgjedhor ndryshe do të trajtoheshin sikur Sigurimi i Shtetit të mendonte nga këndvështrimi demokrat kur lançoi dështimin e Sali Berishës me “Marrëveshjen Rama-Berisha për Reformën Zgjedhore”, por fal Zotni Lafshës dhe bedelëve të tij që kurrë nuk e kuptuan se çka është politika e aq më pak partia, nuk ul steka e Marrëveshjes, që është dhe realja, pse ndodhi votimi i ndryshimeve në Kodin Zgjedhor dhe pse nuk kishte Reformë Zgjedhore!

Urrejtja që ka Sigurimi i Shtetit dhe Edi Rama për Sali Berishën bënë që degradimi i Partisë Demokratike me përbaltjen e Doktorit përmes fushatave mediatike dhe me protagonistë si Lafsha i Kunatit dhe i biri i Mehdi Bushatit, të rezultojnë vetëm me një devijim të çastit, por, jo me një çkodim që mund të arsyetonte dhe përbaltjen e moshapjes së listave.

Nga këndëvështrimi i të birit të një krimineli të Sigurimit të Shtetit, po, ndryshimet e Kodit Zgjedhor që i miratuan dje nuk kanë se si të kuptohen ndryshe por si “një vrasje e opozitës nga Berisha me listat e mbyllura”; Ashtu si dhe truri i një Lafshe që u rrit me mrekullinë e burrit të tezës, bashkëpunëtor i Sigurimit të Shtetit, s’ka se si të gjeneroj epilog ndryshe të ndryshimeve të Kodit Zgjedhor që u jetësuan, se sa një “pazar Rama-Berisha”!

Ndryshe, nga këndvështrimi i një demokrati i cili u zhgënjye në vitin 2017 kur pa se të gjithë ata mijëra demokratë që kishin frekuentuar “çadrën e lirisë” dëshironin të bëheshin deputetë, dhe nuk po i besonte syve në vitin 2021 se të gjithë ata entuziastë që i besuan “komisionit të vlerësimit” që shpiku Zotni Lafsha, u rebeluan kur e kuptuan se ky proces degradoi nga ai që e shpiku, mbrëmë e kishte shumë qartë që listat nuk u hapën vetëm për grupin e deputetëve që ikën nga Zotni Lafsha dhe “u shitën” si përbashkues të Partisë Demokratike me grupin e Sali Berishës!

Po, mund të quhej pazar dhe do të ishte më i besueshëm meqenëse dhe shumë degradues “pazari Berisha-Bardhi”, por në trurin e një Lafshe ose bedelëve të tij ose dhe Andit të Mehdiut, nuk mund të zë vend sepse është çështje që i përket vetëm Partisë Demokratike, dhe si plagë mund të zbulohet shumë lehtë!

Dhe, ky çkodim do ti shërbente shumë më shumë Edi Ramës për vazhdimin e shkërmoqjes së Partisë Demokratike se sa ngatërresa që bëri Sigurimi i Shtetit me Lafsha dhe portale kalemi për “vrasjen e opozitës nga Berisha me listat e mbyllura” dhe një “pazar Rama-Berisha”!

Ndërkohë, çkodimi i këtij Kodi na zbulon çështjen më shqetësuese që do të kenë demokratët në zgjedhjet e vitit 2025, votimi i diasporës. Pas rezultatit të ngusht të vitit 2021 ku partia fituese nuk i kalon 40 mijë vota, dhe, largimit masiv të shqiptarëve nga Shqipëria, manipulimi i Edi Ramës do të përqendrohet tek ky pus pa fund me vota!

Këtu, Edi Rama me patronazhistët e tij përveç favoreve që mund ti jep “pronësia” e votave që do të transportohen me postë, kanë një pengesë, dhe ajo nuk është e vogël:

Është Sali Berisha, o budallenj!