Çmendet Putini, kërcënon me raketën “Satanai”

Presidenti i Rusisë, Vladimir Putin, tashmë ka humbur arsyen edhe kur flet! Rusia, tha ai, do të forcoj edhe më shumë forcat e armatosura duke marrë kështu parasysh kërcenimet ushtarake dhe rreziqet.

Raketat e reja ruse ndërkontinentale Sarmat, mund të çojnë 10 koka bërthamore dhe do të vendosen deri në fund të vitit, tha Vladimir Putin duke kërcënuar, raporton Agjencia e lajmeve Reuters.

Para kërcënimit të Putinit me raketën ndërkontinentale, që ndër bashkëpunëtorët e tij të çmendur tashmë po aq sa ai, njihet si Satanai, kërcënime janë dëgjuar edhe nga aleati i tij Nikolaj Patushev, dhe zëdhënësja e ministrisë së Jashtme, të Rusisë, Marija Zaharova, por ata janë fokusuar me kërcnime direkte ndaj Lituanisë e cila ndaloi transferimin e mallit të sanksionuar nga BE drejt enklavës ruse Kalinjingrad. 

Ndryshe, Patushev si Sekretar i Këshillit të Sigurimit të Federatës Ruse dhe bashkëpunëtor i ngushtë i Putinit gjatë një mbledhje në Kalinjingrad kërcënoi qytetarët e Lituanisë. 

“Rusia me siguri do ti përgjigjet aksioneve të tilla armiqësore. Pasojat do të kenë ndikim negativ në popullsinë e Lituanisë,” tha Petushev por nuk u mjaftua me kaq Zaharova.

“Mendoj se ata duhet të kuptojnë çështjen kryesore: Kur Rusia thotë për dikë se sjellja e tij është hapur armiqësore, atëherë nuk ka kohë për bisedime.”