Çmimi banesave rritet 2.5 herë më shumë se në Eurozonë, PD: Po pastrohen paratë në ndërtim!
Pas publikimit të të dhënave të Bankës së Shqipërisë si dhe atyre të Eurozonës ku konstatohet se çmimet e banesave në Shqipëri janë rritur me rreth 2.5 herë më shumë se në shtetet e Eurozonës ndërkohë ekonomia shqiptare nuk njeh rritje, ka reaguar Partia Demokratike përmes ekspertit të ekonomisë dhe anëtarit të Këshillit Kombëtar, Dorian Teliti, duke theksuar se po pastrohen paratë e pista në sektorin e ndërtimit.
“Paratë futen në dy mënyra, se pari nëpërmjet investitorëve, të cilët i mbajnë çmimet e larta pasi nuk kanë nevoja akute për cash, sepse ndërtojnë me para jo legale. Dhe së dyti, nga nje pjese e blerësve, të cilet duke qenë se kanë para të siguruara në rrugë joligjore kanë mundësi të paguajnë çfarëdo çmimi,” vlerëson Dorian Teliti duke shtuar se kjo është arsyeja pse mbahen çmimet e larta për konsumatorët e zakonshëm të cilëve po u bëhet thuajse e pamundur blerja e një shtëpie në kryeqytet.
Ky shtrenjtim do të vazhdojë edhe më tej, nëse ndodh amnistia fiskale dhe dhënia e pasaporave të arta.
“Me injektimin në ekonomi të një kanali të ri financiar, deri dje të fjetur, çmimet e apartamenteve në Tiranë do të shtrenjtohen sërish. Kjo është, nëpermjet shifave dhe fakteve, se si qeveria e Edi Ramës ua bën të pamundur shqiptarëve të ndershëm jetën dhe strehën në vendin e tyre,” thekson Partia Demokratike duke konstatuar se kjo është dhe arsyeja se pse shqiptarët ikin ndërsa përfundon:
“Kjo është arsyeja se pse duhet të ngrihemi dhe t’i dalim zot Shqipërisë, t’ua kthejmë atë shqiptarëve.”
Deklaratë:
Çmimet e banesave në Shqipëri për 3-mujorin e tretë të 2022 janë rritur me rreth 2,5 herë më shumë se në shtetet e Eurozonës.
Sipas të dhënave të Bankës së Shqipërisë, indeksi i çmimeve të apartamenteve në kete 3-mujor të vitit ishte 17,6% më shumë krahasuar me të njëjtën periudhë të 2021. Çmimet e banesave gjatë vitit 2022 janë rritur me ritme tre herë më të larta se mesatarja historike.
Për krahasim duke përdorur të dhënat e Eurostat, çmimet e apartamenteve, të matura nga Indeksi i çmimeve të Banesave, në 3-mujorin e tretë të 2022, u rritën me 6,8% në vendet e eurozonës dhe me 7,4% në vendet e BE, krahasuar me të njëjtin 3-mujor të një viti më parë.
Po pse rriten çmimet, në një kohë kur ekonomia shqiptare nuk njeh rritje dhe emigracioni drejt vendeve të tjera është në shifra rekord?
Ka të bëjë me efektin e futjes në vend të parave të pista dhe pastrimit të tyre në sektorin e ndërtimit
Paratë futen në dy mënyra, se pari nëpërmjet investitorëve, të cilët i mbajnë çmimet e larta pasi nuk kanë nevoja akute për cash, sepse ndërtojnë me para jo legale.
Dhe së dyti, nga nje pjese e blerësve, të cilet duke qenë se kanë para të siguruara në rrugë joligjore kanë mundësi të paguajnë çfarëdo çmimi.
Kjo i mban cmimet e larta për konsumatorët e zakonshëm shqiptarë dhe ciftet e reja, të cilëve po u bëhet thuajse e pamundur blerja e një shtëpie në kryeqytet.
Ky shtrenjtim, sipas ekspertëve, do të vazhdojë edhe më tej, nëse ndodh amnistia fiskale dhe dhënia e pasaporave të arta, dy nisma të qeverisë Rama të cilat BE i ka kundërshtuar me forcë.
Me injektimin në ekonomi të një kanali të ri financiar, deri dje të fjetur, çmimet e apartamenteve në Tiranë do të shtrenjtohen sërish.
Kjo është, nëpermjet shifave dhe fakteve, se si qeveria e Edi Ramës ua bën të pamundur shqiptarëve të ndershëm jetën dhe strehën në vendin e tyre.
Kjo është arsyeja se pse shqiptarët ikin.
Kjo është arsyeja se pse duhet të ngrihemi dhe t’i dalim zot Shqipërisë, t’ua kthejmë atë shqiptarëve.
