Çmimi i naftës në bursë ulet 4.05%, Bordi i Edi Ramës e ul 2.8%
Ndonëse në bursën londineze çmimi i naftës pësoi rënie prej 4.05 %, Bordi i Transparencës sot bënë të ditur se ka marrë vendim që çmimi i naftës dhe benzinës të ulet 211 lekë/litër nga 217 sa ishte me vendimin e fundit ndërsa çmimi i gazit i mbetet i pandryshuar 93 lekë.
Ky vendim është me qëllim të përkohshëm dhe do të jetë i vlefshëm për periudhën 15-16 mars 2022.
Ndryshe, me përcaktimin e dytë të çmimit të naftës nga Bordi i Transparencës është e qartë se ky Bord është vetëm mashtrimi i radhës së Kryeministrit Edi Rama.
Mëngjesin e sotëm çmimi i naftës ka pësuar rënie për 4.05 për qind. Deri sa para një jave çmimi arriti mbi 130 dollarë sot ai në bursën londineze tregtohej me 102.60 dollarë ndërsa në tregun amerikan çmimi i barelit pësoi rënie për 4.10 për qind përkatësisht 98.80 dollarë.
PAKETA E REZISTENCËS SOCIALE
Njoftim i rëndësishëm
Bordi i Transparancës i ngritur me vendim Qeverie, me qëllim kufizimin e përkohshëm të çmimeve të tregtimit me shumicë/pakicë të nënprodukteve të naftës dhe gazit në mbledhjen e tij të radhës vendosi:
Çmimi i shitjes me pakicë i nënproduktit gasoil i standardit SSH EN 590 të jetë 211 lekë/litri, ndërsa i shitjet me shumicë 206 lekë/litër.
Çmimi i shitjes me pakicë i nënproduktit benzinë e standardit SSH EN 228 të jetë 211 lekë/litri,ndërsa i shitjet me shumicë 206 lekë/litër.
Çmimi i shitjes me pakicë i nënproduktit gaz, të jetë 93 lekë/litri me pakicë për automjetet, duke mbetur i pandryshueshëm nga mbedhja e fundit e bordit.
Këto çmime do të jenë të vlefshme për periudhën 15-16 mars 2022, pas kësaj bordi do të rimblidhet nesër për të bërë me dije pasqyrimin e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.
Në rast të shkeljeve të konstatuara nga operatorë të ndryshëm do të zbatohen penalitetet e përcaktuara në Aktin Nortmativ.
Jemi në monitorim dhe kontroll të vazhdueshëm të situatës, për të garantuar zbatimin e plotë të vendimeve të Bordit të Transparencës.
