COVID-19 në Itali, bie numri i vdekjeve dhe rasteve të reja

Numri i të vdekurve nga COVID-19 në Itali vazhdon të jetë i lartë ndonëse ka pësuar rënie por gëzon fakti se rënie ka pësuar edhe numri i rasteve të reja që është dhe numri më i ulët që nga fillimi i muajit mars.

Kështu, gjatë 24 orëve të fundit në Itali betejën me COVID-19 e kanë humbur 578 pacientë ndërsa raste të reja janë 2.667 duke e çuar në 165.155 numrin e të prekurve me koronavirus.

Dje numri i të vdekurve nga COVID-19 ishte 602 ndërsa raste të reja ishin 2.972.

Ndryshe, Evropa me të paktën 1.010.896 të infektuar dhe 85.272 të vdekur, është kontinenti më i goditur me COVID-19.