Çudia “Ilir Meta”/ Me Presidentin e Serbisë solli Edi Ramën në pushtet, popullit shqiptar i kërkon që ta largoj!
Presidenti i Republikës, Ilir Meta, ka vazhduar me publikimin e provave të reja në kuadër të transparencës për, siç thotë, çmontimin e grushtit të shtetit ndërsa ka kërkuar nga populli shqiptarë largimin e Edi Ramës, atë që e solli në pushtet me urdhër të Presidentit të Serbisë.
“Në kuadër të transparencës për çmontimin e grushtit të shtetit, kërkojmë ndihmën e gjithë popullit shqiptar, ta shpartallojmë së bashku në emër të bandave kombëtare dhe ndërkombëtare të krimit të organizuar, që e duan vendin tonë lavatrice për punët e tyre dhe një pjesë të mafias ndërkombëtare që mbështet hapur aktivitetin e tyre,” tha Ilir Meta sot kur Edi Rama refuzon bashkëpunimin me të dhe ai kërkon shpëtimin nga populli ndonëse nuk e pyeti kur e vuri Kryebashkiakun më të dështuar në historinë e Tiranës për Kryeministër të Shqipërisë.
Këtu pastaj vazhdon dhe ngatërron gjërat ndërsa flet për njeriun më joinstitucional ndër shqiptar, Edi Ramën, i cili na paska filluar të mos respektoj ligjin.
“Kemi një problem të madh, nuk po e gjejmë dot aktin me të cilin është kërkuar dhe realizuar botimi në fletoren zyrtare i shpalljes në emër gjoja të KED i Arta Vorpsit, që Kuvendi e konsideroi të zgjedhur dhe e përjashtoi nga kandidaturat e veta. Ndaj ky është shqetësim, se Kuvendi ka marrë iniciativë mjaft serioze ka thirrur Venecian, na duhet ta kemi zyrtarisht kopjen, ndaj presidenti i ka kërkuar përpara 48 orëve, ka skaduar afati qendrës së botimit zyrtare.”
Në fund, regjimin e oligarkëve që e krijoi dhe e gëzoi deri sa Edi Rama e largoi nga koalicioni qeverisës, Ilir Meta mendon se duhet ta shpartalloj populli shqiptar, ai i cili u penalizua dhe varfërua pikërisht nga ky regjim.
“Do e marrim me qetësi çmontimin e plotë të grushtit të shtetit. Veprimet e Presidentit do jenë në mbrojtje të Kushtetutës. Ju siguroj që kjo godinë është sot një kështjellë e vetme për fat të keq, por e paepur dhe e pamposhtur për mbrotjen e Kushtetutës dhe demokracisë, nga data 2 mars kur do firmoset dekreti i parë kundër grushtit të shtetit dhe në shpartallim të plotë të grushtit të shtetit përpara bulevardit me popullin shqiptar ku do lidhim një besëlidhje për të shpartalluar regjimin e oligarkëve me qëllim shpopullimin e këtij vendi dhe shndërrimin e tij në një qendër të pastrimit të parave, dhe të shumë problemeve të tjera që nuk i meriton.”
Kryetari i PDS, Paskal Milo, vlerësoi se socialistët janë dele, dhe këtë postulat siç duket Ilir Meta e ka ngatërruar, duke menduar se i gjithë populli shqiptar është dele. Dekreton ligjet e këtij parlamenti dhe sot kur duhet ta sulmoj e quan gjysëmparlament kundër të cilit bënë thirrje edhe për protestë:
“Në 2 Mars ju presim të gjithëve pasdite ne bulevardin Dëshmorët e Kombit e ju japim fjalën se shumë shpejt falë popullit shqiptar s’do ketë vetëm një institucion që është në mbrojtje të kushtetutës por gjithë institucionet që janë në bulevardin Dëshmorët e Kombit do i kthehen popullit shqiptar. Ata që kërkojnë popullin e presidentit në Whatsapp të porosisin poture të gjera”.
