Dakord me Pfizer, Rama: Vaksinimi fillon në Janar!

Kryeministri Edi Rama bëri të ditur në orët e pasdites se ka rënë dakord në parim me kompaninë Pfizer për të nisur vaksinimin në muajin Janar!

“Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!,” tha Edi Rama përmes rrjetit social Twitter duke akuzuar sërish Bashkimin Euroian për, siç tha ai, diferencimin që i bëri Ballkanit:

“I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza!”

Ndryshe, për dallim nga liderët e shteteve tjera madje edhe miku i tij serb, Aleksandar Vuçiç, që kanë dhënë data dhe orën e saktë se kur do të filloj vaksnimi kundër COVID-19, Kryeministri Edi Rama u mjaftua ti thotë popullit shqiptar në “Janar”. Të cilit vit, mbetet për tu parë!